დღეს, მონეტარული პოლიტიკის კომიტეტის სხდომა გაიმართება

ფინანსები

რამდენია საქართველოს საგარეო ვალი - ფინანსთა სამინისტროს მაჩვენებლები

17.12.2025.11:00

2025 წლის ნოემბრის მდგომარეობით, საქართველოს სახელმწიფო საგარეო ვალი 9 115 258 ათას დოლარს შეადგენს, რაც ეროვნულ ვალუტაში დაახლოებით 24 637 632 ათასი ლარია.

ფინანსთა სამინისტროს მიერ გამოქვეყნებული მონაცემების მიხედვით, 2025 წლის ნოემბერში 2024 წლის ნოემბერთან შედარებით სახელმწიფო საგარეო ვალის მოცულობა 5,5%-ითაა გაზრდილი.

წინა თვესთან, ანუ 2025 წლის ოქტომბერთან მონაცემებთან კი 0,7%-ით არის შემცირებული.

სამინისტროს საიტზე განთავსებული მაჩვენებლებით, 2024 წლის ნოემბრის მდგომარეობით სახელმწიფო საგარეო ვალი მოცულობა 8 642 543 ათასი დოლარი იყო, რაც ეროვნულ ვალუტაში 9 178 822 ათას დოლარს შეადგენდა.

2025 წლის ნოემბრის მდგომარეობით მთავრობის საგარეო ვალი 8 790 674 ათასი დოლარს შეადგენდა, რაც ეროვნულ ვალუტაში 23 760 313 ათასი ლარს უტოლდება.

ნოემბრის მონაცემებითვე, მრავალმხრივი კრედიტორების წინაშე დავალიანება 6 729 405 ათასი დოლარია, 18 188 908 ათასი ლარი.

საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), აზიის ინფრასტრუქტურის საინვესტიციო ბანკი (AIIB), ევროპის საინვესტიციო ბანკი (EIB), რეკონსტრუქციის და განვითარების განვითარების საერთაშორისო ბანკი (IBRD).