მაღალი რისკიანობის, გაურკვევლობის პირობებში ჩვენ მოგვიწია ზომიერად გამკაცრებული მონეტარული პოლიტიკის შენარჩუნება, - ასე აფასებს სებ-ის მიმდინარე მონეტარულ პოლიტიკას
საქართველოს ეროვნული ბანკის პირველი ვიცე-პრეზიდენტი ეკატერინე მიქაბაძე, რომელიც დღეს  გადაცემა „იმედის დილაში“ რუბრიკა Business Insider Georgia-ს სტუმარი იყო. მისი განმარტებით, თუ კი სებ-ის არსებული პარამეტრები და მოლოდინები საშუალებას მისცემს, ის მონეტარული პოლიტიკის შემსუბუქებას დაიწყებს. 

„საქართველოს ეროვნული ბანკი მიმდინარე წლიდან ოფიციალურად გადავიდა სცენარებზე დაფუძნებულ მიდგომაზე მონეტარული პოლიტიკის გადაწყვეტილების მიღების დროს, სადაც მთავარი ყურადღება სწორედ რისკების იდენტიფიცირებას და რისკების დაბალანსებას ეთმობა. სწორედ აქედან გამომდინარე მაღალი რისკიანობის, გაურკვევლობის პირობებში ჩვენ მოგვიწია ზომიერად გამკაცრებული მონეტარული პოლიტიკის შენარჩუნება, რადგანაც მაღალი იყო, როგორც ეგზოგენური, ისე ზოგადად რისკები ინფლაციის მიმართულებით. მიმდინარე მდგომარეობით მოგეხსენებათ ინფლაცია 4,8%-ს შეადგენს. როგორც ჩვენი მოლოდინები იყო ინფლაციამ მცირედით შემცირება დაიწყო, სწორედ ეს გვქონდა ჩვენ პროგნოზად. შესაბამისად ჩვენ ველოდებით, რომ წელს საშუალო ინფლაცია 4%-მდე იქნება დაახლოებით, ხოლო მომავალ წელს 3,5%-მდე შემცირდება. ჩვენ გადაწყვეტილებად ვიღებთ ყველა რისკის გათვალისწინებით და იმ დროისათვის არსებული ეკონომიკური პარამეტრების მხედველობაში მიღებით, შესაბამისად, რისკების მატერიალიზაციის მიხედვით იქნება ჩვენი გადაწყვეტილების მიღება. რა თქმა უნდა ეს, მოლოდინების შესაბამისად მიუთითებს იმაზე რომ ჩვენ გვაქვს ამ ეტაპზე საშუალება, ზომიერად გამკაცრებული მონეტარული პოლიტიკა შევინარჩუნოთ. თუ ჩვენ რა თქმა უნდა, იმ დროისათვის ჩვენს ხელთ არსებული ინფორმაცია მოგვცემს საშუალება, რომ  მონეტარული პოლიტიკის ზომიერი შერბილება გავაგრძელოთ გავაგრძელებთ, თუმცა თუ მატერიალიზრდა რისკები ჩვენ უფრო ხანგრძლივად გამკაცრებული მონეტარული პოლიტიკის ხანგრძლივად შენარჩუნებისა კიდევ უფრო გამკაცრებისთვისაც მზად ვართ. 

დღეს არსებული ინფორმაციით, ერთ-ერთი ძალიან მნიშვნელოვანი ინდიკატორი, რაც ინფლაციური მოლოდინების სტაბილურობაზე მიუთითებს არის უფრო ხისტი ფასების ინფლაცია, საბაზო ინფლაცია 3,2%-ია, რომელიც ჩამორჩება მიზნობრივ მაჩვენებელს, დაბალი მიზნობრივ მაჩვენებელზე და მომსახურების, ისევე  სხვა, უფრო ხისტი ფასების ინფლაციის ინდიკატორები ერთმნიშვნელოვნად მოლოდინების სტაბილურობაზე მიუთითებს“, - აღნიშნა მიქაბაძემ.