2025 წლის პირველ ნახევარში ქართული ბარათებით საზღვარგარეთ გადახდებმა 5.47 მლრდ ლარი შეადგინა - წლიური ზრდა 15%-ია
2025 წლის პირველ ნახევარში რეზიდენტი ბანკების მიერ გაცემული ბარათებით საზღვარგარეთ გადახდებმა ჯამში 5 468 588 000 ლარი შეადგინა. ეს მაჩვენებელი მთლიან ბარათოვან ოპერაციებში 12%-იან წილს იკავებს. ასევე მიმდინარე წლის 6 თვის მაჩვენებლები, 2024 წლის 6 თვის მაჩვენებლებთან 15%-ითაა გაზრდილი. 2024 წლის პირველ ნახევარში ქართული ბარათებით საზღვარგარეთ განხორციელებულმა ტრანზაქციებმა 4 746 410 000 ლარი შეადგინა.
2025 წლის 6 თვეში რეზიდენტი ემიტენტების მიერ ემიტირებული საგადახდო ბარათებით განხორციელებულმა მთლიანმა ოპერაციებმა 46 801 850 000 ლარი შეადგინა.
სებ-ის ვებგვერდზე განთავსებული სტატისტიკური მაჩვენებლის თანახმად, 6 თვის განმავლობაში საზღვარგარეთ ბარათებით გადახდები ყველაზე აქტიური მაისში იყო, რადგანაც საანგარიშო პერიოდში ბარათებით საზღვარგარეთ 986 541 000 ლარის გადახდა განხორციელდა.
რეზიდენტი ემიტენტების მიერ ემიტირებული საგადახდო ბარათებით საზღვარგარეთ განხორციელებული ოპერაციების (იშუინგი) სტატისტიკა ასე გამოიყურება:
01-2025 - 860 685 ათასი ლარი
02-2025 - 823 529 ათასი ლარი
03-2025 - 940 814 ათასი ლარი
04-2025 - 927 073 ათასი ლარი
05-2025 - 986 541 ათასი ლარი
06-2025 - 929 946 ათასი ლარი.
დღის ტოპ 10 სიახლე
სხვა სიახლეები
აშშ დოლარის ოფიციალური ღირებულება 2.7226 ლარი გახდა
13.08.2025.17:00
1 ევროს ოფიციალური ღირებულება 3.1909 ლარი გახდა, ხოლო 1 აშშ დოლარის 2.7226 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7226 ლარით განისაზღვრა. კურსი, რომელიც დღეს მოქმედებდა, 2.6942 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0284 ლარი შეადგინა.
რაც შეეხება ევროს, მისი კურსი 3.1909 ლარია. მაშინ, როცა დღეს მოქმედი კურსი 3.1282 ლარს შეადგენდა. შესაბამისად, ევროს ცვლილებამ 0.0627 ლარი შეადგინა.
ბაზარზე „ბაზისბანკის“ წილმა შეადგინა 4,51%, ხოლო „ლიბერთის“ 5,6%, შესაბამისად კონცენტრაციის შედეგად მიღებული საერთო საბაზრო წილი 10,11%-ს შეადგენს - სებ
13.08.2025.15:27
მიკრობანკმა “კრისტალმა” ახალი სარეიტინგო სააგენტოსგან SCOPE Ratings B+/სტაბილური საკრედიტო შეფასება მიიღო
13.08.2025.10:42
2025 წლის პირველ ნახევარში ქართული ბარათებით საზღვარგარეთ გადახდებმა 5.47 მლრდ ლარი შეადგინა - წლიური ზრდა 15%-ია
12.08.2025.13:00
ივლისი საპენსიო ფონდის პორტფელებისათვის სტაბილური ზრდის თვე აღმოჩნდა - სტატისტიკური მაჩვენებლები
11.08.2025.16:05
