2025 წლის ბოლოსათვის კომერციული ბანკების მიერ გაცემული სესხების მოცულობამ ₾ 70.94 მილიარდი შეადგინა - სებ
კომერციული ბანკების მიერ გაცემული სესხების მოცულობამ (ბანკთაშორისი სესხების გარდა), 2025 წლის დეკემბრის ბოლოსათვის 70.94 მილიარდი ლარი შეადგინა. რაც 1.97 მილიარდი ლარით (2.85%-ით) მეტია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე, 2.71% -ით მეტი). სესხების წლიურმა ზრდამ გაცვლითი კურსის ეფექტის გამორიცხვით 13.99% შეადგინა. ამავე
პერიოდში, წინა თვესთან შედარებით ეროვნული ვალუტით გაცემული სესხების მოცულობა 729.31 მლნ ლარით (1.82%-ით) , ხოლო უცხოური ვალუტით გაცემული სესხების მოცულობა 1.24 მლნ ლარით (4.29%-ით) გაიზარდა (გაცვლითი კურსის ეფექტის გარეშე, გაიზარდა 3.95%-ით).
რეზიდენტი იურიდიული პირებისათვის 2025 წლის დეკემბრის ბოლოს, კომერციულ ბანკებს ეროვნული ვალუტით გაცემული ჰქონდათ 11.17 მილიარდი ლარის (წინა თვესთან შედარებით 1.18%-ით მეტი), ხოლო უცხოური ვალუტით 20.38 მილიარდი ლარის (წინა თვესთან შედარებით 5.31%-ით მეტი) მოცულობის სესხი (გაცვლითი კურსის ეფექტის გარეშე, 5.01 %-ით მეტი).
2025 წლის დეკემბრის განმავლობაში 1.87%-ით, ანუ 674.24 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და დეკემბრის ბოლოსათვის 36.64 მილიარდი ლარი შეადგინა.
2025 წლის დეკემბრის ბოლოსათვის, მთლიანი სესხების ლარიზაციის კოეფიციენტმა 57.60% შეადგინა. წინა თვის ბოლო მდგომარეობასთან შედარებით, შემცირდა 0.584 პროცენტული პუნქტით (გაცვლითი კურსის ეფექტის გამორიცხვით, შემცირდა 0.51 პროცენტული პუნქტით).
დღის ტოპ 10 სიახლე
საბანკო სექტორში განთავსებული დეპოზიტების მოცულობამ 2025 წლის ბოლოს ₾66.93 მილიარდი შეადგინა - სებ
სხვა სიახლეები
საბანკო სექტორში განთავსებული დეპოზიტების მოცულობამ 2025 წლის ბოლოს ₾66.93 მილიარდი შეადგინა - სებ
27.01.2026.14:22
საბანკო სექტორში განთავსებული დეპოზიტების (ბანკთაშორისი დეპოზიტების გარდა) მოცულობამ 2025 წლის დეკემბრის ბოლოსათვის 66.93 მილიარდი ლარი შეადგინა, რაც 1.23 მილიარდი ლარით, 1.87%-ით მეტია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 1.82%-ით მეტი). დეპოზიტების წლიურმა ზრდამ გაცვლითი კურსის ეფექტის გარეშე 15.78% შეადგინა. დეკემბერში, წინა თვესთან შედარებით, ვადიანი დეპოზიტები შემცირდა 447.02 მილიონი ლარით, ანუ 1.42%-ით (გაცვლითი კურსის ეფექტის გარეშე 1.41%-ით შემცირდა), ხოლო მოთხოვნამდე დეპოზიტები 1.68 მილიარდი ლარით, ანუ 4.90%-ით გაიზარდა (გაცვლითი კურსის ეფექტის გარეშე გაიზარდა 4.79%-ით).
დეპოზიტების ლარიზაციის კოეფიციენტმა 2025 წლის დეკემბრის ბოლოსათვის 52.27 პროცენტი შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია გაიზარდა 0.18 პროცენტული პუნქტით (გაცვლითი კურსის ეფექტის გამორიცხვით გაიზარდა 0.21 პროცენტული პუნქტით).
დეკემბერში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 7.49% შეადგინა. მათ შორის ეროვნული ვალუტით განთავსებულ დეპოზიტებზე 9.34% , ხოლო უცხოური ვალუტით განთავსებულ დეპოზიტებზე 2.60%.
უცხოური ვალუტით განთავსებულ დეპოზიტებში აშშ დოლარის წილმა 78.27% , ხოლო ევროს წილმა 20.07% შეადგინა.
2025 წლის ბოლოსათვის კომერციული ბანკების მიერ გაცემული სესხების მოცულობამ ₾ 70.94 მილიარდი შეადგინა - სებ
27.01.2026.13:43
ვფიქრობთ, რომ 2026 წელს საერთაშორისო რეზერვები $7 მილიარდს მიაღწევს - ლაშა ქავთარაძე
27.01.2026.10:00
ჩვენ გვსურს, რომ საქართველოდან დაიფაროს აღმოსავლეთ ევროპის და შუა აზიის ქვეყნების საკმაოდ დიდი ნაწილი - Mastercard-ის ვიცე-პრეზიდენტი
26.01.2026.15:00
