2024 წლიდან დღემდე კონსერვატიულიდან დინამიკურ პორტფელში დაახლოებით 9 მლნ ლარის აქტივების გადატანა მოხდა - ანა ნაჭყებია
2024 წლიდან დღემდე კონსერვატიული პორტფელიდან დინამიკურ პორტფელში დაახლოებით 9 მლნ ლარის აქტივების გადატანა მოხდა. ამის შესახებ რადიო „სივრცის“ ეთერში გადაცემა Business Insider Georgia-ში სტუმრობისას საპენსიო ფონდის მთავარი საინვესტიციო ოფიცრის მოვალეობის შემსრულებელმა ანა ნაჭყებიამ განაცხადა. მისივე განმარტებით, ფონდს ყოველდღე მიმართავენ ადამიანები, ვისაც აქტივების კონსერვატიულიდან დინამიკურ პორტფელში გადატანა სურთ.
„ჩვენი მონაწილეების რასაც ვუყურებთ ჩვენი მონაწილეების 99% არის კონსერვატიულ პორტფელში განთავსებული. ეს არის ე.წ დეფაულტ პორტფელი ანუ ავტომატური პორტფელი. როდესაც მუშაობას იწყებ არის კონსერვატიული პორტფელი, თუმცა შემდეგ შეგიძლია, რომ სხვა პორტფელი აირჩიო. დადებით დინამიკას რასაც ვხედავთ არის ის, რომ 2024 წლის განმავლობაში და 2025 წლის 4 თვეში დაახლოებით 9 მლნ ლარის აქტივების გადატანა მოხდა კონსერვატიული პორტფელიდან დინამიკურ პორტფელში. თითქმის ყოველდღე შემოგვდის მოთხოვნა ადამიანების, რომ გადამიტანეთ აქტივები კონსერვატიულიდან დინამიკურ პორტფელში“, - აცხადებს ანა ნაჭყებია.
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
13.06.2025.17:00
1 ევროს ოფიციალური ღირებულება 3.1401 ლარი გახდა, ხოლო 1 აშშ დოლარის 2.7296 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7296 ლარით განისაზღვრა. კურსი, რომელიც დღეს მოქმედებდა, 2.7301 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.
რაც შეეხება ევროს, მისი კურსი 3.1401 ლარია. მაშინ, როცა დღეს მოქმედი კურსი 3.1625ლარს შეადგენდა. შესაბამისად, ევროს ცვლილებამ 0.0224 ლარი შეადგინა.
