აქტიურად ვმუშაობთ 11 წლიან სტრატეგიულ გეგმაზე და ყველა ის ნაბიჯი, რომელიც იქნება გადადგმული, მათ შორის მომავალ წელს, იქნება ამ გეგმიდან გამომდინარე, - ამის შესახებ გადაცემა „იმედის დილაში“, რუბრიკა Business Insider Georgia-ში სტუმრობისას ინფრასტრუქტურის მინისტრმა რევაზ სოხაძემ განაცხადა. მისი თქმით, სამინისტრო აქტიურად დაიწყებს  სპორტული და კულტურული ინფრასტრუქტურის მშენებლობას. ასევე წლის ბოლომდე გაიხსნება რამდენიმე საგზაო მონაკვეთი. 

„საქართველოს პრემიერ-მინისტრის ინიციატივით ჩვენ აქტიურად ვმუშაობთ 11 წლიან სტრატეგიულ გეგმაზე და ყველა ის ნაბიჯი, რომელიც იქნება გადადგმული, მათ შორის მომავალ წელს, იქნება ამ გეგმიდან გამომდინარე. ერთის მხრივ ჩვენ აქტიურად დავიწყებთ სპორტული და კულტურული ინფრასტრუქტურის აშენებას ჩვენს მუნიციპალიტეტებში იმიტომ, რომ მნიშვნელოვანია, რომ თითოეულ დაბაში, სოფელში, მუნიციპალიტეტში მოსახლეობას ჰქონდეს წვდომა ამ სერვისებთან და ჩვენ აუცილებლად უახლოესი წლების განმავლობაში უზრუნველვყოფთ იმას, რომ ჩვენი მუნიციპალიტეტები სრულად იქნება ამ სერვისებით დაფარული. 

ასევე ძალიან მნიშვნელოვანია და სერიოზული გამოწვევაა დღეს ჩვენთვის სასკოლო ინფრასტრუქტურა და იცით, რომ განათლების რეფორმა რომელიც დაანონსდა ამ ფორმის ფარგლებში ერთ-ერთი მთავარი გამოწვევა არის სასკოლო ინფრასტრუქტურა და ამ მიმართულებით გვაქვს სერიოზული პრობლემები და ჩვენ ვცდილობთ, რომ მაქსიმალურად მოკლე ვადაში ეს პრობლემები გადავჭრათ და აქტიურად დავიწყოთ ახალი ტალღა სკოლების მშენებლობის. საგზაო ინფრასტრუქტურის კუთხით მნიშვნელოვანია, იმ პროექტებს, რომელსაც ჩვენ დავიწყებთ მომავალი წლიდან, ეს არის თბილისის შემოვლითი გზის მშენებლობა, რომელიც აქტიურად დაიწყება მომავალ წელს. 5 ლოტია ამ მიმართულებით და ვფიქრობ, რომ ეს არამხოლოდ ქვეყნის სატრანსპორტო დერეფნის კუთხით არის მნიშვნელოვანი, არამედ თბილისშიც მნიშვნელოვნად გააუმჯობესებს სატრანსპორტო მიმართულებით არსებულ პრობლემებს. ასევე მნიშვნელოვანია, რომ კახეთის მიმართულებით გაგრძელდება მაგისტრალის მშენებლობა. ჩვენ იმედი გვაქვს, რომ ზაფხულში შემდეგი ლოტიც გაიხსნება, ეს არის საგარეჯო-ბადიაურის. ასევე უახლოეს დღეებში, რიკოთის მონაკვეთი, რომელიც დღეს ორმხრივად არის ასევე მოხდება ამ მონაკვეთის გახსნა. გურიაში მოხდება 8 კმ-იანი მონაკვეთის გახსნა ასევე უახლოეს დღეებში. და ვფიქრობთ, რომ მომავალ წელს ბათუმამდე ჩასვლა ჩვენ ძალიან კომფორტულად და მცირე დროში შეგვეძლება. და ასევე შიდა სახელმწიფოებრივი გზების მიმართულებით ჩვენ აქტიურად დავიწყებთ პროექტების განხორციელებას. ვარაუდობთ, რომ 400 კმ-ზე მეტ ახალ, რეაბილიტირებულ გზას შევძლებთ, რომ მომავალ წელს ჩვენმა მოსახლეობამ ისარგებლოს ამ ინფრასტრუქტურით“, - განაცხადა რევაზ სოხაძემ.