„2026 წლის სტრატეგიაა: უფრო მეტი საქართველო Mastercard-ის გლობალურ რუკაზე და უფრო მეტი Mastercard საქართველოს ყოველდღიურ ცხოვრებაში“, - ამის შესახებ Business Insider Georgia-სთან  Mastercard-ის ვიცე-პრეზიდენტმა საქართველოსა და სომხეთში დავით ზღუდაძემ განაცხადა.

მისი თქმით, ეს ნიშნავს ბაზრის გაღრმავებას, ჰაბის როლის გაძლიერებას, ტურიზმისა და ექსპორტის მხარდაჭერას, ფინტეკისა და სტარტაპების ეკოსისტემის გაძლიერებას. 

„საქართველოს ფინტეკ ეკოსისტემის განვითარების ტემპი, ჩვენი შეფასებით, არის „წინმსწრები“, ანუ უფრო სწრაფი, ვიდრე პატარა ბაზრისგან შეიძლება გვქონოდა მოლოდინი. ქართული ბაზარი ერთ-ერთ ყველაზე მოწინავე პოზიციას იკავებს რეგიონში ციფრული გადახდების, მომხმარებლის სიმწიფისა და ტექნოლოგიებისადმი მიმღებლობის მხრივ. ინოვაციის შესაძლებლობებს ვხედავთ რამდენიმე მიმართულებით. ესენია ბიომეტრია და ციფრული იდენტობა, FacePay, Passkey, ტოკენიზებული აუთენტიფიკაცია და სხვა გადაწყვეტილებები, რომლებიც მომხმარებლის გამოცდილებას სთავაზობს „შეუმჩნეველ“, მაგრამ დაცვის დამატებით ფენას. ასევე, უნდა ვახსენოთ AI-ზე დაფუძნებული ფინანსური სერვისები, თაღლითობის აღმოჩენა, ქცევის ანალიზი, ჰიპერპერსონალიზებული შეთავაზებები, რომლებიც მომხმარებელს Live-რეჟიმში აწვდიან მის საჭიროებებზე მორგებულ პროდუქტებს. და ცხადია ტოკენიზაცია და Multi-Token Network, ციფრული აქტივებით (სტეიბლკოინები, ტოკენიზებული აქტივები) გადახდების უსაფრთხო და გამჭვირვალე ინფრასტრუქტურის შექმნა. 

საქართველოს უპირატესობა ის არის, რომ აქ ინოვაციები ძალიან სწრაფად ინერგება და როგორც უკვე აღვნიშნე, მომხმარებელი სიახლეს მარტივად იღებს. ეს ქმნის უნიკალურ გარემოს, სადაც ფინტეკ-ინიციატივები შეიძლება ჯერ საქართველოში დაიტესტოს და შემდეგ სხვა ქვეყნებშიც გავრცელდეს“, - აცხადებს დავით ზღუდაძე,