ჩვენი შეფასებით, მიმდინარე წლის პირველ ნახევარში ტურიზმის ინდუსტრიამ 2 მილიარდი დოლარის შემოსავალი მიიღო, - აცხადებს რადიო „სივრცის“ ეთერში გადაცემა Business Insider Georgia-ში სტუმრობისას Galt & Taggart-ის ეკონომისტი ლაშა ქავთარაძე. მისივე თქმით, Galt & Taggart-ის პროგნოზია, რომ 2025 წელს ტურიზმიდან შემოდინებები 4.5 მლრდ დოლარი იქნება. 

„ტურიზმს მაკროდონეზე თუ შევხედავთ, საკმაოდ კარგი რიცხვები ფიქსირდება. მეორე კვარტალი საკმაოდ კარგი ზრდის ტემპით ხასიათებოდა და სწორედ მეორე კვარტალმა გამოიწვია ის, რომ 2025 წლის იანვარი-ივნისის მონაცემებით  ვიზიტორების რიცხვმა 2,8 მილიონს მიაღწია. აქედან 2.3 ტურისტული ვიზიტები იყო და ტურისტული ვიზიტები 80% არის. ზრდის ტემპი საკმაოდ მაღალი იყო ამ ვიზიტებში. ჯერჯერობით მეორე კვარტლის შემოსავლების ოფიციალური მონაცემები არ გვაქვს, თუმცა ჩვენ შეფასებას ვაკეთებთ და ტურიზმის ინდუსტრიამ ჩვენი შეფასებით, მიმდინარე წლის პირველ ნახევარში 2 მილიარდი დოლარის შემოსავალი მიიღო. ეს არის 6,2%-იანი წლიური ზრდა. ჩვენ, რომ შევხედოთ ტურისტულ ნაკადებს, მეორე კვარტალში რა ტენდენციაც გვქონდა ამის განმსაზღვრელი იყო ვიზიტორები რუსეთიდან, აზერბაიჯანიდან, ევროკავშირიდან, სომხეთიდან. შემცირებები ფიქსირდება თურქეთიდან და ირანიდან. ანუ ირანთან დაკავშირებით ვიცით მეორე კვარტლის ბოლოს ისრაელის და ირანის კონფლიქტთან დაკავშირებით. თუმცა, ჯამურად კარგი რიცხვია და ჩვენი პროგნოზი რაც გვაქვს მიმდინარე წელთან დაკავშირებით, ამასაც ვფიქრობთ რომ შესაძლოა უფრო მეტი შემოსავალი დაფიქსირდეს, ვიდრე ჩვენი პროგნოზია. 2025 წლისთვის ჩვენი საბაზისო პროგნოზი  4.5 მილიარდია  და ეს არის იმ დაშვებით, რომ პირველი ნახევარი შეფასებული გვაქვს, მეორე ნახევარში თუ ზრდა არ იქნება  შემოსავლებში, ანუ იგივე რიცხვები თუ გვექნება, რაც 2024 წლის მეორე ნახევარში დაფიქსირდა და თუ მინიმალური ზრდა იქნება, მაშინ 100 მილიონით მეტი იქნება. მოსალოდნელია მეტი იყოს თუ იგივე ზრდის ტემპი დაფიქსირდა, რაც პირველ ნახევარში იყო, მაშინ 4.7 მილიარდსაც არ გამოვრიცხავთ“, - აცხადებს ქავთარაძე. 

Galt & Taggart-ის ეკონომისტის თქმით, აზერბაიჯანის საზღვრის სრულყოფილი გაზსნა საქართველოს ტურიზმის ზრდაზე მეტ დადებით ეფეთს იქონიებდა, თუმცა ქავთარაძის განმარტებით, ეს გახსნა იგვიანებს და ის სავარაუდოდ შემოდგომიდან მოხდება. 

„აზერბაიჯანიდანნ ჩვენ გვახსოვს სანამ საზღვარი ჩაიკეტებოდა ძალიან დიდი რაოდენობის ვიზიტორები შემოდიოდნენ. 2019 წელს თუ კარგად მახსოვს 1.5 მილიონი ვიზიტორი გვყავდა აზერბაიჯანიდან და ციფრები, რომ დაემატება საერთო რიცხვებს, ეს ტურიზმის შემოსავლებშიც მყისიერად აისახება. ახლა რომ გახსნილიყო კარგი იქნებოდა და 300-400 მილიონი თავისუფლად დაემატებოდა წლიურ მაჩვენებელს, თუმცა როგორც ვიცი ბოლო ინფორმაციით, ოქტომბრისკენ გადაიწია და თუ ოქტომბერში გაიხსნება ესეც რა თქმა უნდა მცირედით დახმარებას მოგვცემს“, - ამბობს ქავთარაძე.