TOP 5 ქვეყანა, სადაც საქართველო ღვინის ექსპორტს ახორციელებს

ეკონომიკა

ენერგეტიკაში განხორციელებული ინვესტიციები მომხმარებლისთვის ენერგიის ხარისხსა და უწყვეტობას უზრუნველყოფს - დავით ნარმანია

29.01.2026.19:00

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) თავმჯდომარემ, დავით ნარმანიამ, ენერგეტიკულ სექტორში მიმდინარე ინვესტიციების მნიშვნელობაზე ისაუბრა. „იმედის დილაში“ რუბრიკა Business Insider Georgia-ში სტუმრობისას დავით ნარმანიამ აღნიშნა, რომ დაგეგმილი რეაბილიტაცია და ახალი მშენებლობები პირდაპირ აისახება მომხმარებელზე, რადგანაც მცირდება ავარიების რაოდენობა და გაუმჯობესდება ელექტროენერგიის ხარისხი.

„დიახ, მომხმარებელზე პირდაპირ აისახება. ერთის მხრივ ავარიები შემცირდება, მეორეს მხრივ უფრო ხარისხიანი ენერგია მიეწოდება მომხმარებელს. რეგიონებში ბევრგან გვაქვს ჯერ კიდევ პრობლემები, როცა ძაბვის ხარისხი არის დაბალი და ეს სწორედ უკავშირდება იმას, რომ მოხმარება გაზრდილია და ტრანსფორმატორები ვერ პასუხობს შესაბამის ძაბვას, ამიტომ ისინი უნდა გამოიცვალოს, ზოგან ახალი ტრანსფორმატორები დაემატოს და ასე შემდეგ.

გადაცემაში ინვესტიციები უზრუნველყოფს იმას, რომ გენერაციის ობიექტები სადაც აშენდება, იქიდან მეტი ელექტროენერგია იქნეს გამოტანილი და ერთიან სისტემაში ტრანსფორმირებული. ასევე გადაცემის ნაწილში ინვესტიციები უზრუნველყოფს იმას, რომ დამატებითი ალტერნატიული კვებები ექნებათ სხვადასხვა ტერიტორიულ ერთეულებს და ერთგან ავარიის შემთხვევაში ალტერნატიული კვებით მოხდება მათი მომარაგება. და რაც ყველაზე მთავარია - გენერაციაში ინვესტიციები. ქარის სადგურები შენდება ინტენსიურად და ახლა უკვე დასავლეთისკენ რომ მივდივართ, გორის მუნიციპალიტეტის ტერიტორიაზე, კასპის ტერიტორიაზე ვხედავთ უკვე ახალი ქარის სადგურების ინტენსიურ მშენებლობას. ისინი ჩვენთან უკვე შემოვიდნენ, რომ მათზე სემეკმა გასცეს ელექტროენერგიის წარმოების ლიცენზია და დავიწყეთ შესაბამისი ადმინისტრაციული წარმოება. მზის ობიექტებია დაგეგმილი და მიმდინარეობს მათი მშენებლობა, ამიტომ აქ მნიშვნელოვანი ინვესტიციები რაც ხორციელდება, უკვე უფრო მეტ ადგილობრივ ელექტროენერგიას მოგვცემს, რაც ენერგეტიკული უსაფრთხოების და მდგრადობის თვალსაზრისით ასევე ძალიან მნიშვნელოვანი იქნება“. - განაცხადა დავით ნარმანიამ.