საქართველოდან სომხეთში ექსპორტი 12%-იან კლებას, ხოლო იმპორტი 11%-იან ზრდას აჩვენებს.  2025 წლის იანვარ-მაისში საქართველომ ექსპორტზე 198 477.3 ათასი დოლარის პროდუქცია გაგზავნა, 2024 წლის ანალოგიურ პერიოდში კი 225 309.3 ათასი დოლარის. შესაბამისად ექსპორტი 11,9%-ითაა შემცირებული. საქართველოდან სომხეთში ნომერ პირველი საექსპორტო პროდუქტი მსუბუქი ავტომობილებია, რომელზედაც სომხეთში ექსპორტის 10,3% მოდის.

TOP 5 პროდუქტი, რასაც საქართველო სომხეთში ყიდის:

• მსუბუქი ავტომობილები - 20 449.1 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 15 329.1 ათასი დოლარი;
• ნავთობი და ნავთობპროდუქტები - 9 658.3 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 7 693.1 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 4 831.0 ათასი დოლარი;

რაც შეეხება სომხეთიდან იმპორტს, აქ ზრდა 10,3%-ის დონეზეა. 2025 წლის იანვარ-მაისში საქართველომ სომხეთიდან 81 885.0 ათასი დოლარის პროდუქცია იყიდა, 2024 წლის ანალოგიურ პერიოდში კი 74 226.7 ათასი დოლარის. სომხეთიდან საქართველოში იმპორტისას ნომერ პირველი პროდუქტი სპილენძის მადნები და კონცენტრატებია.

TOP 5 პროდუქტი, რასაც საქართველო სომხეთიდან ყიდულობს:

• მადნები და კონცენტრატები სპილენძის - 20 919.8 ათასი დოლარი;
• სიგარები, სიგარილები და სიგარეტები თამბაქოს ან მისი შემცვლელებისაგან​ - 14 861.4 ათასი დოლარი;
• ბოცები, ბოთლები და სხვა მინის ტევადობები - 11 068.9 ათასი დოლარი;
• მადნები და კონცენტრატები ძვირფასი ლითონებისა​ - 6 614.6 ათასი დოლარი;
• ელექტროენერგია - 4 329.3 ათასი დოლარი;
•