შვეიცარიაში ექსპორტი 33%-ითაა გაზრდილი, ხოლო იმპორტი 4%-ით. 2025 წლის იანვარ-თებერვალში საქართველომ შვეიცარიაში ექსპორტზე 18,861.91 ათასი დოლარის ღირებულების პროდუქცია გაყიდა, 2024 წლის ანალოგიურ პერიოდში კი 14,145.23 ათასი დოლარის ექსპორტი განახორციელა. მიმდინარე მაჩვენებლებით საქართველოდან შვეიცარიაში ნომერ პირველი საექსპორტო პროდუქტი ოქროა.

TOP 5 პროდუქტი, რასაც საქართველო შვეიცარიაში ყიდის:

• ოქრო დაუმუშავებელი ან ნახევრადდამუშავებული, ან ფხვნილის სახით - 17,704.06 ათასი დოლარი;
• თხილი და სხვა კაკალი - 475.30 ათასი დოლარი;
• სუნამოები და ტუალეტის წყალი - 383.48 ათასი დოლარი;
• კოსმეტიკური საშუალებები ან მაკიაჟისა და კანის მოვლის საშუალებები - 270.69 ათასი დოლარი;
• ყურძნის ნატურალური ღვინოები - 8.36 ათასი დოლარი;

რაც შეეხება შვეიცარიიდან იმპორტს ის 4%-ითაა გაზრდილი. 2025 წლის იანვარ-თებერვალში საქართველომ შვეიცარიიდან 28,637.18 ათასი დოლარის პროდუქცია იყიდა, 2024 წლის ანალოგიურ პერიოდში კი 27,562.28 ათასი დოლარის. შვეიცარიიდან საქართველოში ნო,მერ პირველი საიმპორტო პროდუქტი ვაქცინები და სისხლია.

• ვაქცინები, სისხლი და იმუნური პროდუქტები - 12,426.45 ათასი დოლარი;
• სამკურნალო საშუალებები დაფასოებული - 8,310.60 ათასი დოლარი;
• გამომთვლელი მანქანები და მათი ბლოკები - 926.12 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 669.08 ათასი დოლარი;
• ინსექტიციდები და მცენარეთა აღმოცენების საწინააღმდეგო საშუალებები და ზრდის რეგულატორები - 609.61 ათასი დოლარი;