საქართველოსა და იაპონიას სავაჭრო ურთიერთობები წელს შემცირებულია. საქსტატის საიტზე განთავსებული ინფორმაციის მიხედვით, 2025 წლის იანვარ-მაისში საქართველომ იაპონიიდან 159 375.2 ათასი დოლარის ღირებულების პროდუქციის იმპორტი განახორციელა. 2024 წლის იანვარ-მაისში კი 170 512.0 ათასი დოლარის. შესაბამისად კლება 6,5%-ის დონეზეა. საქართველოში იაპონიიდან ნომერ პირველი საიმპორტო პროდუქტი მსუბუქი ავტომობილებია.

TOP 5 პროდუქტი, რასაც საქართველო იაპონიიდან ყიდულობს:

• მსუბუქი ავტომობილები - 145 220.4 ათასი დოლარი;
• სპეციალური დანიშნულების ავტომობილები - 4 442.1 ათასი დოლარი;
• რეზინის პნევმატური სალტეები და საბურავები, ახალი - 2 568.0 ათასი დოლარი;
• სატვირთო ავტომობილები - 1 520.2 ათასი დოლარი;
• რეზინის პნევმატური სალტეები და საბურავები, აღდგენილი ან ნახმარი - 1 093.9 ათასი დოლარი;

2025 წლის იანვარ-მაისში საქართველომ იაპონიაში 2 318.5 ათასი დოლარის პროდუქცია გაიტანა გასაყიდად. ეს მაჩვენებელი კი 16%-ით ნაკლებია 2024 წლის 5 თვის მაჩვენებელზე. 2024 წლის იანვარ-მაისში საქართველომ იაპონიაში  2 748.1 ათასი დოლარის პროდუქცია გაგზავნა. საქართველოდან იაპონიაში ნომერ პირველი საექსპორტო პროდუქტი ნატურალური წვენებია.

TOP 5 პროდუქტი, რასაც საქართველო იაპონიაში ყიდის:

• ხილისა და ბოსტნეულის წვენები - 933.6 ათასი დოლარი;
• ყურძნის ნატურალური ღვინოები - 486.1 ათასი დოლარი;
• ნარჩენები და ჯართი სპილენძისა - 336.2 ათასი დოლარი;
• ალუმინი დაუმუშავებელი - 296.3 ათასი დოლარი;
• რეზინის პნევმატური სალტეები და საბურავები, ახალი -  115.6 ათასი დოლარი;