ჩინეთში ექსპორტი 17%-იან, ხოლო იმპორტი 22%-იან ზრდას აჩვენებს.საქსტატის საიტზე განთავსებული ინფორმაციის მიხედვით, 2025 წლის იანვარ-მაისში საქართველომ ჩინეთში ექსპორტზე 133 300.1 ათასი დოლარის პროდუქცია გაგზავნა, 2024 წლის იანვარ-მაისში კი 113 734.6 ათასი დოლარის. ზრდა 17,2%-ია. საქართველოდან ჩინეთში ნომერ პირველი საექსპორტო პროდუქტი ლითონის მადნებია.

TOP 5 პროდუქტი, რასაც საქართველო ჩინეთში ყიდის:

• მადნები და კონცენტრატები ძვირფასი ლითონებისა - 100 098.1 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 10 556.5 ათასი დოლარი;
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 8 112.8 ათასი დოლარი;
• ყურძნის ნატურალური ღვინოები - 4 360.6 ათასი დოლარი;
• მადნები და კონცენტრატები სპილენძი - 3 353.6 ათასი დოლარი;

რაც შეეხება იმპორტს აქ  22,3%-იანი ზრდაა. 2025 წლის იანვარ-მაისში ჩინეთიდან საქართველოში იმპორტირებულია 707 078.4 ათასი დოლარის პროდუქცია, გასული წლის ანალოგიურ პერიოდში კი 578 367.9 ათასი დოლარის. ჩინეთიდან ნომერ პირველი საიმპორტო პროდუქტი ფოლადისგან დამზადებული მასალებია. 

TOP 5 პროდუქტი, რასაც საქართველო ჩინეთიდან ყიდულობს:

• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 28 010.1 ათასი დოლარი;
• მოწყობილობები ჰაერის კონდიცირებისათვის - 26 317.1 ათასი დოლარი;
• რეზინის პნევმატური სალტეები და საბურავები, ახალი - 21 818.8 ათასი დოლარი;
• გამომთვლელი მანქანები და მათი ბლოკები - 19 382.2 ათასი დოლარი;
• მსუბუქი ავტომობილები - 16 084.8 ათასი დოლარი;