TOP 3 ქვეყანა, საიდანაც საქართველო კრევეტების იმპორტს ახდენს

ეკონომიკა

ბაქო-თბილისი-ყარსის პროექტით, ჩვენ ვამყარებთ ახალ კავშირებს, რაც შუა დერეფნისთვის ახალი პარტნიორების მოძიების საშუალებას გვაძლევს - ლაშა აბაშიძე

22.10.2025.15:42

აბრეშუმის გზის ფორუმის" პანელურ დისკუსიაზე „გლობალური ვაჭრობის განახლება" სერბეთის რესპუბლიკის საგარეო ვაჭრობის მინისტრმა, სახელმწიფო მდივანმა ნიკოლა სტაჟანოვიჩმა აბრეშუმის გზის აღდგენის მნიშვნელობასა და ქვეყნებს შორის ეკონომიკური და სავაჭრო ურთიერთობების გაფართოებაზე ისაუბრა.

„საქართველოს ძალისხმევა აბრეშუმის გზის აღსადგენად მიმართულია გამოწვევის შესაძლებლობად ქცევისკენ. საქართველომ უზრუნველყო, რომ კავკასია შეასრულებს და ასრულებს დასავლეთსა და აღმოსავლეთს შორის ხიდის როლს და ჩვენ ვეთანხმებით ამ სტრატეგიულ ხედვას, რომ გაძლიერდეს ინვესტირება, მდგრადობა და მეწარმეობის ხელშეწყობა - განაცხადა ნიკოლა სტაჟანოვიჩმა .

როგორც სერბეთის სახელმწიფო მდივანმა აღნიშნა, მას იმედი აქვს, რომ საქართველოსთან პირდაპირი ფრენების აღდგენით ეკონომიკური და სავაჭრო ურთიერთობა გაფართოვდება. „მიზნად გვაქვს რეგიონული მიწოდების ჯაჭვების გაძლიერება არამხოლოდ კასპიის და შავი ზღვის რეგიონებთან, არამედ მის ფარგლებს გარეთაც" - განაცხადა სტაჟანოვიჩმა.

„თბილისის აბრეშუმის გზის ფორუმი" უკვე მეხუთედ ტარდება თბილისში და მასში მონაწილეობენ მაღალი რანგის პოლიტიკური პირები, ბიზნესსექტორის და საერთაშორისო ორგანიზაციების წარმომადგენლები. ღონისძიება ტრადიციულად, წარმომადგენლობითი და სექტორულად მრავალფეროვანია, რომელსაც 70-ზე მეტი ქვეყნის 2300 დელეგატი ესწრება.