TOP 20 კომპანია, სადაც ყველაზე მსხვილი პირდაპირი უცხოური ინვესტიციები განხორციელდა

ეკონომიკა

მარიამ ქვრივიშვილი ბიზნესს შეხვდა - რა განიხილეს

09.12.2025.13:36

ეკონომიკისა და მდგრადი განვითარების მინისტრმა მარიამ ქვრივიშვილმა შენობა-ნაგებობების ესთეტიკური მახასიათებლების დადგენის წესისა და პირობების განსაზღვრის შესახებ მთავრობის დადგენილების პროექტი კერძო სექტორს წარუდგინა. როგორც მინისტრმა სიტყვით გამოსვლისას აღნიშნა, პრემიერ-მინისტრ ირაკლი კობახიძის მიერ ინიცირებული რეგულაციის მიზანი და მთავარი ამოცანა ქვეყნის მასშტაბით მაღალი ურბანული და ესთეტიკური სტანდარტების დანერგვაა.

ეკონომიკისა და მდგრადი განვითარების სამინისტრო რეგულაციების შემუშავებაზე რამდენიმე თვის განმავლობაში მუშაობდა კულტურის სამინისტროსთან ერთად, სივრცითი და ქალაქთმშენებლობითი განვითარების სააგენტოს აქტიური ჩართულობით. მინისტრმა ხაზი გაუსვა, რომ პროცესი კერძო სექტორთან მჭიდრო კომუნიკაციით წარიმართა.

„ძალიან მნიშვნელოვანია საქართველოს პრემიერ-მინისტრის ინიციატივა შენობა-ნაგებობის ესთეტიკური მახასიათებლების რეგულაციის შესახებ და დარწმუნებულები ვართ, წლიდან წლამდე ხელშესახებად დავინახავთ, როგორ გაუმჯობესდება ჩვენი ქვეყნის რეგიონების და თითოეული ქალაქის იერსახე. რეგულაციის შემუშავებისას მეტწილად ვიხელმძღვანელეთ ევროპული სტანდარტებით, დეტალურად გვაქვს შესწავლილი, თუ როგორ ხდება ევროპის ქვეყნებში ქალაქების მსგავსი რეგულაციების მოწესრიგება და დანერგვა. რეგულაციაზე მუშაობის პარალელურად მიმდინარეობს ქვეყნის რეგიონების და ქალაქების კვლევა, ფართო სურათში საქართველოს ყველა რეგიონისთვის გვექნება ცალკეული პროექტი, რომლის ფარგლებშიც განისაზღვრება შენობა-ნაგებობების ესთეტიკური მახასიათებლები, რომლებიც შესატყვისობაში იქნება მათ ისტორიასთან, განაშენიანებასა და სწორ დაგეგმარებასთან“, - განაცხადა ეკონომიკისა და მდგრადი განვითარების მინისტრმა.

კერძო სექტორთან გამართულ შეხვედრაში მონაწილეობა მიიღეს ინფრასტრუქტურის მინისტრმა რევაზ სოხაძემ, ეკონომიკის მინისტრის პირველმა მოადგილემ ნინო ენუქიძემ და მინისტრის მოადგილე გენადი არველაძემ. სსიპ სივრცითი და ქალაქთმშენებლობითი განვითარების სააგენტოს უფროსმა ზურაბ წიკლაურმა კერძო სექტორს ესთეტიკური მახასიათებლების ძირითადი მოთხოვნების შესახებ პრეზენტაცია წარუდგინა.

საქართველოს მთავრობის დადგენილებით, აუცილებელი წესები განისაზღვრება, რაც ითვალისწინებს მუნიციპალიტეტებისთვის სახელმძღვანელოს შექმნას და ადგილობრივ თვითმმართველობებს ესთეტიკური მახასიათებლების საკუთარი სპეციფიკის გათვალისწინებით დაზუსტების საშუალებას მისცემს.

მარიამ ქვრივიშვილმა ყურადღება გამახვილა, რომ ახალი რეგულაციების თანახმად, ფაქტობრივად, ორი სახის სანებართვო პრაქტიკა დაინერგება - ე.წ. სტანდარტული პრაქტიკა და მეორე - არასტანდარტული სამშენებლო ნებართვები, რაც გულისხმობს მათ შორის განსხვავებულ ფასადებს, ფერებს და ა.შ.

„სტანდარტული რეგულაციები, ფაქტობრივად, თითოეულ თქვენგანს შესაძლებლობას მოგცემთ, რომ ძალიან სწრაფი, აჩქარებული ტემპებით მოხდეს სამშენებლო პროექტის დამტკიცება მუნიციპალიტეტების მხრიდან. ამასთან, სურვილის და გემოვნების შესაბამისად ნებისმიერ მეწარმეს, თუ კერძო პირს შეეძლება სასურველი პროექტის აშენება. ჩვენ ვსაუბრობთ, რომ არაფერი იზღუდება - შესაძლებელი იქნება ნებისმიერი იდეის რეალიზება, იქნება ეს არქიტექტურული, საქმიანი თუ ტექნიკური საჭიროების“, - აღნიშნა მარიამ ქვრივიშვილმა.

მარიამ ქვრივიშვილმა დარგის წარმომადგენლებს, არქიტექტორებს, სახელოვნებო წრეებს, მშენებლებსა და მწარმოებელ-რითეილერებს მადლობა გადაუხადა ინიციატივაში აქტიური ჩართულობისა და გრძელვადიანი, ნაყოფიერი სამუშაო პროცესისთვის. მისი შეფასებით, სასიხარულოა, რომ კერძო სექტორისა და სახელმწიფოს ხედვა ამ ნაწილში ერთმანეთთან სრულ თანხვედრაშია. ეკონომიკის მინისტრის განცხადებით, ⁠აქტიურად გაგრძელდება ყველა რეგიონის დეტალური კვლევა და სექტორთან მჭიდრო კომუნიკაცია.

TOP 5 ქვეყანა, საიდანაც საქართველო მობილური ტელეფონების იმპორტს ახდენს 09.12.2025.13:00

TOP 20 კომპანია, სადაც ყველაზე მსხვილი პირდაპირი უცხოური ინვესტიციები განხორციელდა 09.12.2025.11:37

TOP 10 კომპანია, სადაც 2025 წლის III კვარტალში მსხვილი პირდაპირი უცხოური ინვესტიციები განხორციელდა 09.12.2025.11:25

III კვარტალში ყველაზე მეტი პირდაპირი უცხოური ინვესტიცია უძრავი ქონების სექტორში განხორციელდა - საქსტატი 09.12.2025.11:18

III კვარტალში საქართველოში განხორციელებული პირდაპირი უცხოური ინვესტიციებით პირველ ადგილზეა აშშ-ია - საქსტატი 09.12.2025.11:15

პირდაპირი უცხოური ინვესტიციების მოცულობამ 2025 წლის III კვარტალში $533.2 მილიონი შეადგინა, რაც წინა წლის მაჩვენებელზე 2-ჯერ მეტია - საქსტატი 09.12.2025.10:58

2026 წლის რთველის დროს, შემოგვაქვს ყურძნის 3 განსხვავებული ფასი - ლევან მეხუზლა 08.12.2025.18:10

ირაკლი კობახიძის გადაწყვეტილებით, საქართველოს რკინიგზა აზერბაიჯანული საწვავის სომხეთში სარკინიგზო გადაზიდვას ერთჯერადად სრულიად უსასყიდლოდ განახორციელებს - ეკონომიკის სამინისტრო 08.12.2025.13:59

მიმდინარე კვირაში საქართველოს IMF-ის მისია ეწვევა 08.12.2025.12:20

2026 წლის ქვეყნის მთავარი ფინანსური დოკუმენტი საფინანსო-საბიუჯეტო კომიტეტის სხდომაზე დღეს განიხილება 08.12.2025.12:14

2025 წლის ოქტომბერში მშენებლობის ღირებულების ინდექსი წინა თვესთან შედარებით 0.3%-ით გაიზარდა - საქსტატი 08.12.2025.10:56