თებერვალში საქართველოს ეკონიმიკა 8.8%-ით გაიზარდა - საქსტატი

ეკონომიკა

საქართველოდან აშშ-ში ექსპორტი 39%-ით არის გაზრდილი

31.03.2026.13:00

საქართველოდან აშშ-ში ექსპორტი 39%-იან ზრდას აჩვენებს. საქსტატის ინფორმაციით, 2026 წლის იანვარ-თებერვალში საქართველომ ექსპორტზე 11 963.2 ათასი დოლარის პროდუქციის ექსპორტი განახორციელა. 2025 წლის ანალოგიურ პერიოდში კი 8 599.6 ათასი დოლარის. საქართველოდან აშშ-ში ნომერ პირველი საექსპორტო პროდუქტი დიოდები, ტრანზისტორები და ანალოგიური ნახევარგამტარი ხელსაწყოებია.

TOP 5 პროდუქტი, რასაც საქართველო აშშ-ში ყიდის:

დიოდები, ტრანზისტორები და ანალოგიური ნახევარგამტარი ხელსაწყოები - 1 855.2 ათასი დოლარი;
მილები, მილაკები და ღრუ პროფილები, უნაკერო, შავი ლითონისაგან - 1 749.3 ათასი დოლარი;
საფრენი აპარატების ნაწილები - 1 218.5 ათასი დოლარი;
ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 1 162.1 ათასი დოლარი;
ხილისა და ბოსტნეულის წვენები - 1 161.3 ათასი დოლარი;

რაც შეეხება აშშ-დან საქართველოში იმპორტს, კლება 56%-ის დონეზეა. 2026 წლის იანვარ-თებერვალში საქართველომ აშშ-დან 225 907.9 ათასი დოლარის პროდუქცია იყიდა, 2025 წლის ანალოგიურ პერიოდში კი 512 483.2 ათასი დოლარის.

TOP 5 პროდუქტი, რასაც საქართველო აშშ-დან ყიდულობს:

მსუბუქი ავტომობილები - 196 706.8 ათასი დოლარი;
თხილი და სხვა კაკალი - 8 302.8 ათასი დოლარი;
ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 1 789.5 ათასი დოლარი;
თევზი გაყინული - 1 671.9 ათასი დოლარი;
სატვირთო ავტომობილები - 1 363.2 ათასი დოლარი;