თაროზე განთავსების პოლიტიკას ვწყვეტთ ჩვენ, რადგან ჩვენი პრინციპების მიხედვით თუ არ მოხდა პროდუქტის პლანოგრამის ფორმირება, მაშინ ბრენდის აღქმა გაიბლარება- მზად ვართ, ნეტ ფასებით ვიმუშაოთ, რომ საერთოდ არ იყოს არანაირი რეტრო ბონუსი - „ნიკორას“ დირექტორი
„ნიკორა ტრეიდის“ აღმასრულებელი დირექტორი თემურ ალექსანდრია სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე მაღაზიის თაროზე პროდუქტების განთავსების შესახებ საუბრობს.
კომისიის წევრის ეკა სეფაშვილის კითხვაზე, პროდუქტები თაროზე ერთნაირად მომგებიანად არის თუ არა განლაგებული, კომპანიის დირექტორი აღნიშნავს, რომ „რეტრო ბონუსების მოცულობა ძალიან განსხვავებულია პროდუქტის კატეგორიის მიხედვით ამიტომ რომელიმე ერთი პროცენტის თქმა არ მოგვცემს სრულ სურათს“.
მისივე თქმით, თაროზე განთავსების პოლიტიკას თავადვე წყვეტენ.
„მაგალითისთვის ისეთი, როგორიცაა სასოფლო-სამეურნეო პროდუქტები, ხილ-ბოსტნეული არანაირი რეტრო ბონუსი არ არსებობს. არის გარკვეული კატეგორიის ზეთები, რძის პროდუქტები, რომლებზეც საერთოდ არანაირი რეტრო ბონუსი არ არსებობს. ეს უფრო სხვა რგოლის ინსტრუმენტია, რომ ერთმანეთთან კონკურენციაში შევიდნენ. რაც შეეხება თაროზე განთავსებას- თაროზე განთავსების პოლიტიკას ვწყვეტთ ჩვენ იმიტომ, რომ ჩვენი პრინციპების მიხედვით თუ არ მოხდა პროდუქტის პლანოგრამის ფორმირება, მაშინ ბრენდის აღქმა გაიბლარება და კომპრომისზე არანაირი რეტრო ბონუსის ნაცვლად არ წავალთ, გამორიცხული ამბავია, ეს არ არის გადამწყვეტი ფაქტორი ჩვენთვის. თაროზე გადასახადი შეიძლება არსებობდეს, მაგრამ ეს ვერ გადაწონის ჩვენს პრინციპებს პლანოგრამის ფორმირებისას. ყველანაირი რეტრო ბონუსი, მათ შორის, თაროს გადასახადიც არის თვითღირებულების შემამცირებელი კომპონენტი, სხვა მეტი არაფერი. ჩვენ რითეილ ასოციაციის ფარგლებში განცხადებაც გავაკეთეთ და ისევ ერთგული ვართ იმ განცხადების, რომ მზად ვართ ნეტ ფასებით ვიმუშაოთ რომ საერთოდ არ იყოს არანაირი რეტრო ბონუსი“- განაცხადა თემურ ალექსანდრიამ.
დღის ტოპ 10 სიახლე
სგპ სარფში მებაჟე ოფიცრებმა არადეკლარირებული ოქროს საიუველირო ნაკეთობების შემოტანის ფაქტები აღკვეთეს
სხვა სიახლეები
რეტრო-ბონუსი არ არის ფასდაკლების წყარო, ეს ჩვენი მოგონილი ინსტრუმენტი არ არის - ეს იმ კომპანიის სურვილია, რომ ასაღები ფასი ასე გაიყოს l „2 ნაბიჯის“ გენერალური დირექტორი
16.03.2026.15:17
სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე მაღაზიის თაროზე პროდუქტების განთავსების შესახებ „2 ნაბიჯის“ გენერალურმა დირექტორმა, არჩილ მელიქაძემ, რეტრო-ბონუსის ინსტრუმენტთან დაკავშირებით ისაუბრა.
მისი განცხადებით, რეტრო-ბონუსი ფასდაკლების წყაროს არ წარმოადგენს და კომპანია „ლიდერ ფუდთან“ დაკავშირებული შემთხვევა მოიყვანა აღნიშნულის მაგალითად, რომ ეს „2 ნაბიჯის“ მოგონილი ინსტრუმენტი არ არის.
„რეტრო-ბონუსი არ არის ფასდაკლების წყარო, „ლიდერ ფუდის“ კონკრეტული პროდუქტი ჩვენს ქსელში „საინვოისო“ ფასად შემოვიდა - 10 ლარად, ერთეულის ღირებულება. ჩვენ გავყიდეთ ის 8 ლარად და 42 თეთრად, ანუ წავაგეთ 1,58 ლარი. მაგრამ მთელი წელი წაგებაზე არ ვიქნებოდით ხომ? სინამდვილეში ეს მხოლოდ „საინვოისო“ ფასი იყო, რეტრო-ბონუსი ამ შემთხვევაში წარმოადგენდა 2 ლარს და 10 თეთრს, ანუ ჩვენთვის ფაქტობრივად ასაღები ფასი იყო 7,90 ლარი, ანუ ჩვენ ამ კონკრეტულ პროდუქტში მოვიგეთ 0.52 თეთრ, რაც 6.5 % ფასნამატია. რეალურად, ჩვენ კომპანიას მოველაპარაკეთ არა „საინვოისო“ ფასზე, არამედ იმ ფასზე, რაც ასაღები ფასია, ეს იმ კომპანიის სურვილია, რომ ეს ასაღები ფასი ასე გაიყოს, ჩვენ საერთოდ არანაირი ინტერესი არ გვაქვს რეტრო-ბონუსის აღრიცხვიანობა ვაწარმოოთ „საინვოისო“ ფასი რომ დამთხვეოდა იმ ფასს, რაზეც ჩვენ მოვილაპარაკეთ რეტრო-ბონუსი იქნებოდა ნული, ეს ჩვენი არჩევანი და მოგონილი ინსტრუმენტი არ არის“, - განაცხადა არჩილ მელიქაძემ.
დისტრიბუტორის მომგებიანობის მარჟა ჯერ კიდევ ორჯერ მეტია, ვიდრე „რითეილერის“ - „კარფურის“ გენერალური დირექტორი
16.03.2026.15:15
ვინ არის პასუხისმგებელი უცხოური საიტებიდან გამოწერისას - ირაკლი ლექვინაძის განმარტება გადამზიდავების როლზე
16.03.2026.13:00
