თამარ იოსელიანმა თურქეთის ელჩთან ტრანსპორტისა და ლოგისტიკის სექტორებში საქართველოსა და თურქეთს შორის ნაყოფიერი თანამშრომლობა განიხილა
ეკონომიკისა და მდგრადი განვითარების მინისტრის მოადგილე თამარ იოსელიანი თურქეთის რესპუბლიკის ელჩს საქართველოში ალი ქაან ორბაის შეხვდა.
მხარეებმა ისაუბრეს ორი ქვეყნის ნაყოფიერ თანამშრომლობაზე ტრანსპორტისა და ლოგისტიკის სექტორებში. ხაზი გაესვა შუა დერეფნის მეტი განვითარებისთვის ბაქო - თბილისი - ყარსის რკინიგზის სრულფასოვანი ამოქმედების მნიშვნელობას.
თამარ იოსელიანმა თურქეთს ელჩს მიაწოდა ინფორმაცია მსხვილი სატრანსპორტო და ინფრასტრუქტურული პროექტების შესახებ, რომელთა ამოქმედებაც გაზრდის საქართველოს ტერიტორიაზე გამავალი სატრანსპორტო დერეფნის გამტარუნარიანობას და ხელს შეუწყობს ჩვენი ქვეყნის სატრანსპორტო ჰაბად ჩამოყალიბებას. განსაკუთრებული ყურადღება გამახვილდა საქართველოს რკინიგზის მოდერნიზებაზე, მათ შორის, სავაგონე და სალოკომოტივე შემადგენლობის განახლებაზე, რომლითაც საქართველოს რკინიგზა ტვირთებს უფრო სწრაფად, უსაფრთხოდ და საიმედოდ გადაზიდავს.
შეხვედრას დაესწრო საქართველოს რკინიგზის გენერალური დირექტორი ლაშა აბაშიძე.
დღის ტოპ 10 სიახლე
სხვა სიახლეები
ლარის კურსი დოლართან გამყარდა
14.08.2026.17:01
1 ევროს ოფიციალური ღირებულება 3.0233 ლარი გახდა, ხოლო 1 აშშ დოლარის 2.6162 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6162 ლარით განისაზღვრა. კურსი, რომელიც დღეს მოქმედებდა 2.6171 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.
რაც შეეხება ევროს, მისი ღირებულება 3.0233 ლარია მაშინ, როცა დღეს მოქმედი კურსი 3.0191 ლარს შეადგენდა. შესაბამისად, ევროს ცვლილებამ 0.0042 ლარი შეადგინა.
