2025 წლის 7 თვეში საქართველომ არაბთა გაერთიანებულ საამიროებში 22,4 მლნ დოლარის პროდუქცია გაყიდა.

საქსტატის მაჩვენებლების მიხედვით, საქართველოდან არაბთა გაერთიანებულ საამიროებში ექსპორტი 22%-იან კლებას აჩვენებს. საქსტატის ინფორმაციით, 2025 წლის 7 თვეში საამიროებში ექსპორტმა 22 375.9 ათასი დოლარი შეადგინა, 2024 წლის ანალოგიურ პერიოდში კი 28 784.9 ათასი დოლარი. მიმდინარე წლის მაჩვენებლებით საქართველოდან არაბთა გაერთიანებულ საამიროებში ნომერ პირველი საექსპორტო პროდუქტი მსუბუქი ავტომობილებია.

TOP 5 პროდუქტი, რასაც საქართველო არაბთა გაერთიანებულ საამიროებში ყიდის:

• მსუბუქი ავტომობილები - 6 317.1 ათასი დოლარი;
• ნავთობი და ნავთობპროდუქტები - 4 221.8 ათასი დოლარი;
• ოქრო დაუმუშავებელი ან ნახევრადდამუშავებული, ან ფხვნილის სახით - 1 137.7 ათასი დოლარი;
• ტრაქტორების, მსუბუქი, სატვირთო და სპეციალური დანიშნულების ავტომობილების ნაწილები და მოწყობილობები - 924.4 ათასი დოლარი;
• ინსტრუმენტი ხელის პნევმატური, ჰიდრავლიკური ან ჩადგმული ძრავით - 682.4 ათასი დოლარი;

რაც შეეხება არაბთა გაერთიანებული საამიროებიდან იმპორტს, აქ 2%-იანი ზრდაა. 2025 წლის 7 თვეში საქართველომ საამიროებიდან 172 273.1 ათასი დოლარის პროდუქცია იყიდა, 2024 წლის ანალოგიურ პერიოდში კი 168 309.0 ათასი დოლარის. არაბთა გაერთიანებული საამიროებიდან საქართველოში მთავარი საიმპორტო პროდუქტი მობილური ტელეფონებია.

TOP 5 პროდუქტი, რასაც საქართველო არაბთა გაერთიანებული საამიროებიდან ყიდულობს:

• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 80 119.7 ათასი დოლარი;
• გამომთვლელი მანქანები და მათი ბლოკები - 9 969.0 ათასი დოლარი;
• სიგარები, სიგარილები და სიგარეტები თამბაქოს ან მისი შემცვლელებისაგან - 6 457.8 ათასი დოლარი;
• მსუბუქი ავტომობილები - 6 231.7 ათასი დოლარი;
• მიკროფონები ხმამაღლამოლაპარაკეები და სხვა - 5 438.3 ათასი დოლარი;
• ავტომანქანების ნაწილები, ექსპლუტაციაში ნამყოფი - 4 926.5 ათასი დოლარი;