უზბეკეთში ექსპორტი 46%-იან ზრდას, ხოლო იმპორტი 10%-იან კლებას აჩვენებს.

საქსტატის ინფორმაციით, 2025 წლის იანვარ-მაისში საქართველომ უზბეკეთში 64 003.7 ათასი დოლარის პროდუქცია გადაზიდა, 2024 წლის ანალოგიურ პერიოდში კი 43 761.8 ათასი დოლარის. შესაბამისად ზრდა 46,2%-ის დონეზეა.

საქართველოდან უზბეკეთში ნომერ პირველი საექსპორტო პროდუქტი სამკურნალო საშუალებებია, რომელზედაც ამ ქვეყანაში ექსპორტის 39%-ი მოდის. 

TOP 5 პროდუქტი, რასაც საქართველო უზბეკეთში ყიდის: 

• სამკურნალო საშუალებები დაფასოებული - 24 974.2 ათასი დოლარი;
• მსუბუქი ავტომობილები  - 11 889.4 ათასი დოლარი;
• ვაქცინები, სისხლი და იმუნური პროდუქტები - 8 397.9 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 4 661.0 ათასი დოლარი;
• მინერალური და მტკნარი წყლები - 4 629.3 ათასი დოლარი;

რაც შეეხება უზბეკეთიდან იმპორტს, აქ 9,6%-იანი კლებაა. 2025 წლის იანვარ-მაისში საქართველომ უზბეკეთიდან 35 531.7 ათასი დოლარის პროდუქცია იყიდა, 2024 წლის იანვარ-მაისში კი 39 285.9 ათასი დოლარის. უზბეკეთიდან საქართველოში ნომერ პირველი საიმპორტო პროდუქტი სპილენძის მავთულია. 

TOP 5 პროდუქტი, რასაც საქართველო უზბეკეთიდან ყიდულობს:

• მავთული სპილენძისა - 7 226.7 ათასი დოლარი;
• ნავთობი და ნავთობპროდუქტები - 6 061.6 ათასი დოლარი;
• პარკოსანი ბოსტნეული გამხმარი - 3 461.6 ათასი დოლარი;
• ტრანსფორმატორები ელექტრული, სტატიკური ელექტრული გარდაქმნელები - 2 342.7 ათასი დოლარი;
• ყურძენი, ახალი ან გამხმარი - 2 270.5 ათასი დოლარი;