საქართველოში მომგებიანია ფულის დაბანდება და ბიზნესის კეთება - პრემიერ-მინისტრი
ჩვენ გვაქვს სათანადო ეკონომიკური გარემო და კანონმდებლობა, დაბალი გადასახადები, რაც არის ძალიან მომგებიანი ბიზნესის კეთებისთვის ჩვენს ქვეყანაში, - ამის შესახებ საქართველოს პრემიერ-მინისტრმა ირაკლი კობახიძემ დუბაიში ქართველ ჟურნალისტებს განუცხადა.
მთავრობის მეთაურის შეფასებით, უკვე ჩანს, რომ საქართველო ამ კუთხით იმსახურებს მაღალ ნდობას.
„ყველა ობიექტური რეიტინგის თანახმად საქართველოს უჭირავს ძალიან მაღალი პოზიციები. არის მარტივი ბიუროკრატია, რაიმე დაბრკოლების გარეშე არის შესაძლებელი ბიზნესის წამოწყება, ბიზნესის კეთება ჩვენს ქვეყანაში და კორუფციისგან თავისუფლების კუთხითაც ძალიან მაღალი პოზიციები გვიჭირავს სხვადასხვა საერთაშორისო რეიტინგში, პრაქტიკულად ყველა ობიექტურ საერთაშორისო შეფასებაში. აქედან გამომდინარე, ყველანაირი გარემო არის შექმნილი იმისათვის, რომ საქართველოში განხორციელდეს საინვესტიციო და ეკონომიკური აქტივობები. მომავალშიც მაქსიმუმს გავაკეთებთ იმისათვის, რომ ამ პროცესს მხარი დავუჭიროთ. ასევე, ყველა ხედავს, რომ ჩვენს ქვეყანას აქვს ძალიან მაღალი ეკონომიკური ზრდა. ამ მაჩვენებლით ვართ პირველ ადგილზე ევროპაში. გასული 5 წლის განმავლობაში საშუალო ეკონომიკურმა ზრდამ შეადგინა 9.3%. ასეთი მაჩვენებელი არ აქვს არავის. ასეთ პირობებში, ყველა ხედავს, რომ საქართველოში მომგებიანია ფულის დაბანდება და ბიზნესის კეთება. ამას მაქსიმალურად ხელი უნდა შევუწყოთ და ამ გარემოებით მაქსიმალურად ვისარგებლოთ“, - განაცხადა ირაკლი კობახიძემ.
დღის ტოპ 10 სიახლე
სხვა სიახლეები
ქვეყანაში იმპორტირებული ბანანის 98%-ი საქართველოში ეკვადორიდან შემოდის
05.02.2026.19:00
საქართველოში ბანანის იმპორტი მზარდია, 2025 წელს ქვეყანამ 44 129.0 ათასი დოლარის ღირებულების 52 743.2 ტონა ბანანი იყიდა. მაშინ, როდესაც 2024 წელს ქვეყანაში 46 825.7 ტონა ბანანის იმპორტი დაფიქსირდა. შესაბამისად წლიური ზრდა 13%-ია. როგორც საქსტატის საიტზე განთავსებული მაჩვენებლებიდან ირკვევა, საქართველოში იმპორტირებული ბანანის 98%-ი ქვეყანაში ეკვადორიდან შემოდის.
TOP 5 ქვეყანა, საიდანაც საქართველო ბანანის იმპორტს ახდენს:
ყველანაირი გარემო არის შექმნილი, რომ საქართველოში განხორციელდეს საინვესტიციო და ეკონომიკური აქტივობები - ირაკლი კობახიძე
05.02.2026.17:19
კურორტ „გოდერძიზე“ ზამთრის მიმდინარე ტურისტულ სეზონზე რამდენიმე ახალი ობიექტი გაიხსნა - სულხან თამაზაშვილი
05.02.2026.17:00
