საქართველოსა და საფრანგეთის სავაჭრო ბრუნვა მზარდია

ეკონომიკა

საქართველოსა და საფრანგეთის სავაჭრო ბრუნვა მზარდია

09.02.2026.15:00

საქართველოდან საფრანგეთში ექსპორტი 8%-იან ზრდას აჩვენებს. საქსტატის ინფორმაციით, 2025 წელს საქართველომ საფრანგეთში 50 313.5 ათასი დოლარის პროდუქცია გაგზავნა, მაშინ როდესაც 2024 წელს ეს მაჩვენებლები 46 762.1 ათასი დოლარის დონეზე იყო.

საქართველოდან საფრანგეთში ნომერ პირველი საექსპორტო პროდუქტი 2025 წლის მონაცემებით თხილი და კაკალი იყო.

TOP 5 პროდუქტი, რასაც საქართველო საფრანგეთში ყიდის:

თხილი და სხვა კაკალი - 11 430.6 ათასი დოლარი;
ნაყოფი და მცენარის სხვა ნაწილები, სხვა წესით დამზადებული ან დაკონსერვებული - 6 853.9 ათასი დოლარი;
ელექტრული წყალგამახურებლები - 6 765.8 ათასი დოლარი;
ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 6 563.9 ათასი დოლარი;
ფეროშენადნობები - 5 043.4 ათასი დოლარი;

რაც შეეხება საფრანგეთიდან იმპორტს, აქ 10%-იანი ზრდაა. 2025 წელს საქართველომ საფრანგეთიდან 338 326.1 ათასი დოლარის ღირებულების პროდუქცია იყიდა, 2024 წელს 306 803.0 ათასი დოლარის.

TOP 5 პროდუქტი, რასაც საქართველო საფრანგეთიდან ყიდულობს:

ნარევები გამოსაყენებული სასმელების წარმოებაში - 42 644.5 ათასი დოლარი;
სამკურნალო საშუალებები დაფასოებული - 37 150.4 ათასი დოლარი;
კოსმეტიკური საშუალებები ან მაკიაჟისა და კანის მოვლის საშუალებები - 24 956.3 ათასი დოლარი;
ნაღების კარაქი და რძის სხვა ცხიმები; რძის პასტები - 19 997.0 ათასი დოლარი;
შაქარი - 17 170.3 ათასი დოლარი;