საქართველოდან საბერძნეთში ექსპორტი მზარდია, თუმცა იმპორტის კუთხით კლება შეინიშნება. საქსტატის ინფორმაციით, 2025 წლის იანვარ-ოქტომბერში საქართველომ საბერძნეთში ექსპორტზე 23 962.0 ათასი დოლარის პროდუქცია გაიტანა, მაშინ როდესაც 2024 წლის ანალოგიურ პერიოდში საბერძნეთში ექსპორტი 11 866.8 ათასი დოლარის დონეზე იყო. წლიურ ჭრილში ზრდა 102%-ია. საქართველოდან საბერძნეთში ნომერ პირველი საექსპორტო პროდუქტი  ფეროშენადნობებია.

TOP 5 პროდუქტი, რასაც საქართველო საბერძნეთში ყიდის:

•  ფეროშენადნობები - 12 579.9 ათასი დოლარი;
•  თხილი და სხვა კაკალი - 4 153.6 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 3 682.6 ათასი დოლარი;
•  ნავთობი და ნავთობპროდუქტები - 558.2 ათასი დოლარი;
•  ხილისა და ბოსტნეულის წვენები - 464.2 ათასი დოლარი;

2025 წლის იანვარ-ოქტომბერში საქართველომ საბერძნეთიდან 49 583.4 ათასი დოლარის პროდუქცია იყიდა, 2024 წლის ანალოგიურ პერიოდში კი 74 789.0 ათასი დოლარის. აღნიშნული მაჩვენებლები ცხადყოფს, რომ საბერძნეთიდან საქართველოში იმპორტი 34%-იან კლებას აჩვენებს.

მიმდინარე სტატისტიკის მიხედვით, საბერძნეთიდან ნომერ პირველი საიმპორტო პროდუქტი ნავთობი და ნავთობპროდუქტებია.

TOP 5 პროდუქტი, რასაც საქართველო საბერძნეთიდან ყიდულობს:

• ნავთობი და ნავთობპროდუქტები - 11 611.4 ათასი დოლარი;
• სამკურნალო საშუალებები დაფასოებული - 7 814.5 ათასი დოლარი;
• სხვა ნაბეჭდი პროდუქცია, ნაბეჭდი რეპროდუქციებისა და ფოტოგრაფიების ჩათვლით - 4 861.8 ათასი დოლარი;
• დო, იოგურტი, კეფირი - 2 308.6 ათასი დოლარი;
• საღებავები და ლაქები ბუნებრივი პოლიმერების საფუძველზე, წყლიან გარემოში გახსნილი - 1 866.2 ათასი დოლარი;