საქართველოსა და იტალიის სავაჭრო ურთიერთობები მზარდია. საქსტატის ინფორმაციით, 2026 წლის იანვარში საქართველოდან იტალიაში ექსპორტი და იტალიიდან საქართველოში იმპორტი გაზრდილია.

სტატისტიკური მაჩვენებლების მიხედვით, 2026 წლის იანვარში საქართველომ იტალიიდან 25 612.0 ათასი დოლარის პროდუქცია იყიდა, მაშინ როდესაც ერთი წლით ადრე, 2025 წლის იანვარში ეს მაჩვენებელი 22 360.3 ათას დოლარს შეადგენდა. ზრდა 15%-ის დონეზეა.

TOP 5 პროდუქტი, რასაც საქართველო იტალიიდან ყიდულობს:

• მანქანები ჭურჭლის სარეცხი - 3 298.1 ათასი დოლარი;
• მსუბუქი ავტომობილები - 1 553.6 ათასი დოლარი;
• სამკურნალო საშუალებები დაფასოებული - 1 287.3 ათასი დოლარი;
• საშუალებები თმებისათვის​ - 1 047.2 ათასი დოლარი;
• ვაქცინები, სისხლი და იმუნური პროდუქტები - 839.7 ათასი დოლარი;

რაც შეეხება საქართველოდან იტალიაში ექსპორტს, 56ის %-ით არის გაზრდილი. საქსტატის მაჩვენებლებით, 2026 წლის იანვარში საქართველომ იტალიიდან 10 735.7 ათასი დოლარის პროდუქცია იყიდა, 2025 წლის ანალოგიურ პერიოდში კი 6 882.0 ათასი დოლარის. საქართველოდან იტალიაში ნომერ პირველი საექსპორტო პროდუქტი თხილია.

TOP 5 პროდუქტი, რასაც საქართველო იტალიაში ყიდის:

• თხილი და სხვა კაკალი - 4 411.4 ათასი დოლარი;
• ფეროშენადნობები - 3 753.1 ათასი დოლარი;
• სასუქები მინერალური ან ქიმიური, აზოტოვანი - 1 930.5 ათასი დოლარი;
• მილები, მილაკები და ღრუ პროფილები, უნაკერო, შავი ლითონისაგან - 174.3 ათასი დოლარი;
• ნაყოფი და მცენარის სხვა ნაწილები, სხვა წესით დამზადებული ან დაკონსერვებული - 114.6 ათასი დოლარი;