საქსტატი მიმდინარე წლის განმავლობაში მომხმარებლებს რამდენიმე ახალ ინტერაქტიულ პლატფორმას შესთავაზებს. როგორც საქსტატის აღმასრულებელმა დირექტორმა გოგიტა თოდრაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას აღნიშნა, ერთ-ერთი მნიშვნელოვანი სიახლე ფასების სტატისტიკის ინტერაქტიული პორტალი იქნება, ასევე იგეგმება სოციალური სტატისტიკის მიმართულებით უფრო ფართო და ყოვლისმომცველი პლატფორმის შექმნა.

„ჩვენ წლის განმავლობაში აუცილებლად შევთავაზებთ, დაპირების შესაბამისად მომხმარებლებს კიდევ რამდენიმე ინტერაქტიულ პორტალს. პირველი ერთ-ერთი ალბათ იქნება ფასების სტატისტიკასთან დაკავშირებული ინტერაქტიული პლატფორმა და ასევე ვგეგმავთ სოციალური სტატისტიკის მიმართულებით უფრო ყოვლისმომცველი ინტერაქტიული პლატფორმის შემუშავებას და საზოგადოებისთვის შეთავაზებას“, - აღნიშნა საქსტატის აღმასრულებელმა დირექტორმა.

გოგიტა თოდრაძის განცხადებით, უწყება გეგმავს არსებული ინტერაქტიული პლატფორმების გაფართოებას, რათა მომხმარებლებს მონაცემების უფრო ფართო ანალიზის შესაძლებლობა მიეცეთ. მისი თქმით, პერსონალური ინფლაციის კალკულატორისა და ფასების კალეიდოსკოპის გარდა, იგეგმება პლატფორმაზე საშუალო ფასების მაჩვენებლების დამატებაც, მათ შორის სამომხმარებლო კალათაში შემავალი სასაქონლო ჯგუფების მიხედვით.

„ამასთან დაკავშირებით ჩვენ არაერთი პლატფორმა გვაქვს, მოგეხსენებათ გვაქვს მაგალითად პერსონალური ინფლაციის კალკულატორი, გვაქვს ფასების კალეიდოსკოპი, მაგრამ გვინდა, რომ კიდევ უფრო მეტი ანალიზის შესაძლებლობა მივცეთ მომხმარებლებს და მათ შორის საშუალო ფასების მაჩვენებლები დავიტანოთ აღნიშნულ პლატფორმაზე. რა თქმა უნდა ისეთი, როგორიც არის მაგალითად შეგროვებული სამომხმარებლო კალათაში არსებული სასაქონლო ჯგუფების შესახებ“, - აცხადებს თოდრაძე,