ჩინეთიდან საკონტეინერო გადაზიდვების მოცულობა მზარდია. ამის შესახებ გადაცემა „იმედის დილაში“, რუბრიკა Business Insider Georgia-ში სტუმრობისას საქართველოს რკინიგზის გენერალურმა დირექტორმა ლაშა აბაშიძემ განაცხადა. მისი თქმით, საქართველოს რკინიგზა ინტენსიურად მუშაობს შუა დერეფნის ქვეყნებთანაც, რათა გადაზიდვები უფრო ეფექტურად და მოკლე დროში განხორციელდეს.  

„საკმაოდ მნიშვნელოვანია ჩვენთვის ჩინეთიდან. ჩვენ უკვე გვაქვს ზრდა ჩინური კონტეინერების, დაახლოებით 40-45%-იანი ზრდა გვაქვს. ეს საკმაოდ მნიშვნელოვანი ზრდა არის. ჩვენ ველოდებით, რომ მომავალ წლებში გაცილებით დიდი ზრდა იქნება. 

რაც შეეხება სხვა ქვეყნებთან, ზოგადად რკინიგზისთვის კრიტიკულად მნიშვნელოვანია სხვა რკინიგზებთან და პორტებთან კავშირი. ჩვენ გაქვს ძალიან კარგი კავშირი - შუა დერეფნის ყველა მონაწილესთან ჩვენ ვმუშაობთ ისე, რომ რაც შეიძლება ოპტიმიზაცია მოვახდინოთ სატრანზიტო დროების. კიდევ ერთი მნიშვნელოვანი რასაც ვახორციელებთ არის სიჩქარეების აწევა. ჩვენ დავიწყეთ ეტაპობრივად სიჩქარეების აწევა, მთლიანად საქართველოს მასშტაბით ვაკეთებთ კაპიტალურად 50-70 კმ-ს კაპიტალურ შეკეთებას, რადგანაც ის შეზღუდვები რაც აქამდე იყო სიჩქარესთან დაკავშირებით აღარ იყოს - როგორც სამგზავრო, ისე სატვირთო მატარებლებზე მოვახდინოთ სიჩქარეების აწევა. გარკვეულ მონაკვეთებზე უკვე მოვახდინეთ და მომავალი წლის გაზაფხულისთვის ვაპირებთ, რომ სრულად შეზღუდვები მოვხსნათ მთლიანად საქართველოს გზაზე და ყველგან ის მაქსიმალური სიჩქარეები დავდოთ რის საშუალებასაც გვაძლევს ინფრასტრუქტურა“, - აღნიშნა ლაშა აბაშიძემ.