საქართველომ დაამტკიცა, რომ არა მხოლოდ საერთაშორისო საფინანსო ინსტიტუტებიდან შეუძლია, ძალიან წარმატებით მოიზიდოს ფინანსური რესურსი, არამედ უკვე ღია ბაზარზეც შეუძლია, წარმატებით მოახდინოს ობლიგაციების გამოშვება - ლაშა ხუციშვილი
საქართველომ დაამტკიცა, რომ არა მხოლოდ საერთაშორისო საფინანსო ინსტიტუტებიდან შეუძლია, ძალიან წარმატებით მოიზიდოს ფინანსური რესურსი, არამედ უკვე ღია ბაზარზეც შეუძლია, ძალიან წარმატებული იყოს, წარმატებით მოახდინოს ობლიგაციების გამოშვება, - განაცხადა გადაცემაში „იმედი LIVE“ ფინანსთა მინისტრმა, ლაშა ხუციშვილმა.
მან ისაუბრა, თუ რა ნაბიჯები გადადგა სამინისტრომ, რომ საერთაშორისო ინვესტორების დაინტერესება გამოეწვია.
მისივე თქმით, გამოწვევები მსოფლიოს მასშტაბით დიდია, იქიდან გამომდინარე, რომ საფინანსო ბაზრები დღესდღეობით მაინც და მაინც კარგ მდგომარეობაში არ არის. შესაბამისად, ეს არ წარმოადგენდა ხელის შემწყობ ფაქტორს მათი მიერ გამოშვებული ევროობლიგაციისთვის, თუმცა მათ შეძლეს ინვესტორებისთვის დეტალურად გაეცნოთ საქართველოს ეკონომიკური მდგომარეობა.
„ამის მიუხედავად, ჩვენ ძალიან დიდი სამუშაო გავწიეთ. ძალიან ბევრი ვიმუშავეთ ინვესტორებთან. ინვესტორებს დეტალურად გავაცანით საქართველოს მდგომარეობა. ის, რომ ბოლო 5 წლის განმავლობაში მსოფლიოში საქართველოში არის ერთ-ერთი ყველაზე სწრაფად მზარდი ეკონომიკა, ეკონომიკური ზრდის მაჩვენებლით და იგი საშუალოდ, 9,3%-ია. ის, რომ ფისკალური მონაცემები, როგორც ვალის მიმართულებით, ასევე ბიუჯეტის დეფიციტის მიმართულებით, ნამდვილად საუკეთესოა, ბუნებრივია, ეს ინვესტორებში დამატებით ნდობას იწვევს და ზოგადად, ის პოლიტიკა, რა პოლიტიკასაც ქვეყანა, საქართველოს მთავრობა ახორციელებს. ყველაფერმა ამან მოიტანა ის, რომ ინვესტორების მხრიდან ძალიან დიდი ნდობა და ძალიან დიდი ინტერესი იყო.
ზოგადად, ითვლება, რომ დაახლოებით, 2-2,5-ჯერ მეტი მოთხოვნა ითვლება საკმაოდ კარგ შედეგად, თუმცა ამ შემთხვევაში 5,5-ჯერ აღემატებოდა ბაზარზე შეთავაზებულ ვარიანტს ინვესტორების მხრიდან მოთხოვნა, რაც განსაკუთრებულ დიდ ნდობას აჩვენებს ინვესტორების მხრიდან. ამ მიმართულებით საქართველომ დაამტკიცა, რომ არა მხოლოდ საერთაშორისო საფინანსო ინსტიტუტებიდან შეუძლია, ძალიან წარმატებით მოიზიდოს ფინანსური რესურსი, არამედ უკვე ღია ბაზარზეც შეუძლია, ძალიან წარმატებული იყოს, წარმატებით მოახდინოს ობლიგაციების გამოშვება.
ეს არის ჩვენი გრძელვადიანი სტრატეგიის ერთ-ერთი ნაწილი, იქიდან გამომდინარე, რომ ჩვენ ვაპირებთ აქტიურობას არა მხოლოდ ევროობლიგაციების ბაზარზე, არამედ სხვა ბაზრებზეც, მათ შორის აზიის ბაზრებზეც, რომელიც ძალიან საინტერესოდ გამოიყურება“, - განაცხადა ფინანსთა მინისტრმა.
დღის ტოპ 10 სიახლე
სხვა სიახლეები
მნიშვნელოვანია ბიზნესმა განაგრძოს ზრდა და განვითარება, თუმცა სახელმწიფომ უნდა დაიცვას სწორი ბალანსი მოსახლეობის და ბიზნესის ინტერესებს შორის - მარიამ ქვრივიშვილი
02.02.2026.01:12
ჩვენი მხრიდან მოხდა დაახლოებით 9 ფაქტორის იდენტიფიცირება, რომელიც ახდენს ფასის გაძვირებაზე პირდაპირ ეფექტს. ჩვენ ძალიან გულწრფელად და პირდაპირ წარვუდგინეთ ამ კვლევის შედეგები კერძო სექტორის წარმომადგენლებს, - განაცხადა გადაცემაში „იმედის კვირა“ ეკონომიკისა და მდგრადი განვითარების მინისტრმა, მარიამ ქვრივიშვილმა ფასების რეგულირებაზე საუბრისას.
მისივე თქმით, მნიშვნელოვანია ბიზნესმა განაგრძოს ზრდა და განვითარება, თუმცა სახელმწიფომ უნდა დაიცვას სწორი ბალანსი მოსახლეობის და ბიზნესის ინტერესებს შორის.
„ძალიან მნიშვნელოვანია, რომ ბიზნესმა განაგრძოს ზრდა, ახალი სამუშაო ადგილების შექმნა, თითოეული სექტორის განვითარება, თუმცა ამ კონკრეტულ შემთხვევაში სწორედ ეს არის კომისიის მთავარი ამოცანა, რომ კერძო სექტორთან ერთად ჩვენ ვნახოთ სწორი ბალანსი, რომ დავიცვათ პირველ რიგში ჩვენი ქვეყნის მოსახლეობის ინტერესი, რადგან გვაქვს რეალურად შეხება და საუბარი პირველადი საჭიროების სამომხმარებლო პროდუქციაზე, მედიკამენტებზე, საწვავზე და მეორეს მხრივ არის ბიზნესი, რომელსაც სჭირდება განვითარება და შემოსავალი.
ვხედავთ კერძო სექტორის მხრიდან მზაობას და ყოველი შეხვედრის ბოლოს მათი მხრიდან ვისმენთ არაერთ ინიციატივას, თუ როგორ შეიძლება მათი მხრიდან მოხდეს ფასების გაიაფება. ჩვენი პოზიცია კვლავ უცვლელია, რომ მოხდება თითოეული ამ შემოთავაზების ისევე როგორც ალტერნატიული გზების დამუშავება იმისთვის, რომ ჩვენ მივიღოთ შედეგი, რომელიც პირდაპირ პასუხობს ჩვენი თითოეული მოქალაქის ინტერესების უზრუნველყოფას და დაცვას“, - აღნიშნა მინისტრმა.
მარიამ ქვრივიშვილმა ასევე ისაუბრა საწვავის ფასების რეგულირებაზეც.
„გავუზიარეთ ჩვენი შეხედულება კერძო სექტორის წარმომადგენლებს და ვუთხარით, რომ მიუხედავად იმისა, რომ განსხვავებით სამომხმარებლო პროდუქციისგან, საწვავის მიმართულებით საქართველო უფრო იაფია, ვიდრე ევროპის ქვეყნები, ჩვენ მაინც ვფიქრობთ, რომ საერთო ძალისხმევით მოძებნადია რესურსები, რითაც შეგვიძლია დამატებით გავაიაფოთ საწვავის ფასები“, - განმარტა ქვრივიშვილმა.
საქართველოს მთავრობის მიერ $500 მილიონის ოდენობის ევროობლიგაციების წარმატებულ გამოშვებას ლონდონის საფონდო ბირჟა ეხმაურება
31.01.2026.21:21
2025 წელს გაცემული სამშენებლო ნებართვების 70%-ზე მეტი მოდის ქვეყნის 4 რეგიონზე - საქსტატი
30.01.2026.16:20
