2025 წელს საქართველოდან ევროკავშირში ექსპორტი 53%-ით არის გაზრდილი. საქსტატის ინფორმაციით, 2025 წელს საქართველომ ევროკავშირში ექსპორტზე 876 839.2 ათასი დოლარის ღირებულების ღირებულების პროდუქცია გაგზავნა, 2024 წელს კი 573 683.4 ათასი დოლარის. 

საქართველოდან ევროკავშირში ექსპორტის კუთხით ნომერ პირველი საექსპორტო პროდუქტი ძვირფასი ლითონების მადნები და კონცენტრატებია.

TOP 5 პროდუქტი, რასაც საქართველო ევროკავშირში ყიდის:

• მადნები და კონცენტრატები ძვირფასი ლითონებისა - 141 857.6 ათასი დოლარი;
• თხილი და სხვა კაკალი - 111 969.6 ათასი დოლარი;
• ფეროშენადნობები - 108 430.0 ათასი დოლარი;
• მადნები და კონცენტრატები სპილენძის - 66 479.7 ათასი დოლარი;
• სასუქები მინერალური ან ქიმიური, აზოტოვანი - 64 255.9 ათასი დოლარი;

რაც შეეხება ევროკავშირიდან იმპორტს ზრდა 3%-ია. 2025 წელს საქართველომ ევროკავშირიდან 4 707 333.4 ათასი დოლარის პროდუქცია იყიდა, მაშინ როდესაც 2024 წელს იმპორტი 4 575 887.5 ათას დოლარს შეადგენდა. ევროკავშირიდან საქართველოში ნომერ პირველი საიმპორტო პროდუქტი მსუბუქი ავტომობილებია. 

TOP 5 პროდუქტი, რასაც საქართველო ევროკავშირიდან ყიდულობს:

• მსუბუქი ავტომობილები - 859 831.2 ათასი დოლარი;
• ნავთობი და ნავთობპროდუქტები - 553 397.5 ათასი დოლარი;
• სამკურნალო საშუალებები დაფასოებული - 332 972.2 ათასი დოლარი;
• სატვირთო ავტომობილები - 90 230.6 ათასი დოლარი;
• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 87 852.3 ათასი დოლარი;