საქართველოსა და თურქეთს შორის სავაჭრო ურთიერთობები მზარდია. საქსტატის საიტზე განთავსებული ინფორმაციის მიხედვით, 2026 წლის იანვარში საქართველომ თურქეთში ექსპორტზე 52 121.2 ათასი დოლარის პროდუქცია გაგზავნა, 2025 წლის იანვარში კი 23 486.0 ათასი დოლარის. შესაბამისად თურქეთში ექსპორტი 122%-ით არის გაზრდილი.

სტატისტიკური მაჩვენებლების მიხედვით, 2026 წლის იანვარში საქართველოდან თურქეთში ნომერ პირველი საექსპორტო პროდუქტი ნავთობი და ნავთობპროდუქტებია.

TOP 5 პროდუქტი, რასაც საქართველო თურქეთში ყიდის:

• ნავთობი და ნავთობპროდუქტები - 24 287.4 ათასი დოლარი;
• ფეროშენადნობები - 7 432.0 ათასი დოლარი;
• მაისურები, თბილი კვართები და სხვა ტრიკოტაჟის ნაწარმი, მანქანით ან ხელით ნაქსოვი - 5 398.4 ათასი დოლარი;
• კოსტუმები, კომპლექტები და სხვა მამაკაცისა ან ბიჭისა - 2 552.9 ათასი დოლარი;
• ნარჩენები და ჯართი სპილენძისა 2 089.5 ათასი დოლარი;

თურქეთიდან საქართველოში იმპორტი მიმდინარე წელს 10%-ით არის გაზრდილი. 2026 წლის იანვარში საქართველომ 194 984.2 ათასი დოლარის პროდუქცია იყიდა, ხოლო 2025 წლის იანვარში - 177 316.6 ათასი დოლარი.

თურქეთიდან საქართველოში ნომერ პირველი საიმპორტო პროდუქტი წნელებია.

TOP 5 პროდუქტი, რასაც საქართველო თურქეთიდან ყიდულობს:

• წნელები ნახშირბადიანი ფოლადისაგან, შემდგომი დამუშავების გარეშე - 21 310.7 ათასი დოლარი;
• სამკურნალო საშუალებები დაფასოებული - 16 262.8 ათასი დოლარი;
• ელექტროენერგია - 10 215.1 ათასი დოლარი;
• მსუბუქი ავტომობილები - 6 805.4 ათასი დოლარი;
• ნავთობი და ნავთობპროდუქტები - 5 377.9 ათასი დოლარი;