საქართველო მზადაა ითანამშრომლოს ევროკავშირთან და ყველა პარტნიორთან შავი ზღვის რეგიონის უსაფრთხოების გაძლიერებისთვის - მარიამ ქვრივიშვილი
„საქართველო რეგიონში საიმედო პარტნიორია. როგორც ევროპისა და აზიის დამაკავშირებელი ქვეყანა, საქართველო მზადაა ითანამშრომლოს ევროკავშირთან და ყველა შესაბამის პარტნიორთან შავი ზღვის რეგიონის უსაფრთხოების გაძლიერების, მათ შორის, შავი ზღვის რეგიონის მიმართ ევროკავშირის სტრატეგიაში დასახული ამბიციური მიზნების შესაბამისად" - ამის შესახებ საქართველოს ეკონომიკისა და მდგრადი განვითარების მინისტრმა ევროკავშირის, ცენტრალური აზიის, სამხრეთ კავკასიის და შავი ზღვის რეგიონის ქვეყნების ტრანსპორტის მინისტრების შეხვედრაზე განაცხადა. ღონისძიება ტაშკენტში, ტრანსკასპიური სატრანსპორტო კორიდორის და დაკავშირებადობის საინვესტიციო ფორუმის ფარგლებში ევროკავშირის თანაორგანიზებით გაიმართა.
როგორც მარიამ ქვრივიშვილმა აღნიშნა, ტრანსკასპიური სატრანსპორტო დერეფანი არა მხოლოდ ლოგისტიკური მარშრუტია, არამედ ევროპისა და აზიის ეკონომიკური უსაფრთხოების მნიშვნელოვანი საფუძველი.
„საქართველო თავის გეოგრაფიას ეკონომიკურ უპირატესობად აქცევს, აძლიერებს სუვერენიტეტს დაკავშირებადობის ზრდით და პოზიციონირებს, როგორც მნიშვნელოვანი, სანდო დამაკავშირებელი ქვეყანა ევროპასა და აზიას შორის" - განაცხადა მინისტრმა.
ტრანსკასპიური სატრანსპორტო დერეფნისა და დაკავშირებადობის საინვესტიციო ფორუმის ფარგლებში ევროკავშირის, ცენტრალური აზიის, სამხრეთ კავკასიის და შავი ზღვის რეგიონის ქვეყნების ტრანსპორტის მინისტერიალის მიზანია ევროკავშირის "Global Gateway"-ის ინიციატივის ფარგლებში დერეფნის გასწვრივ გააძლიეროს ევროკავშირის თანამშრომლობა პარტნიორ სახელმწიფოებთან ევროპასა და აზიას შორის სატრანსპორტო კავშირების ხელშესაწყობად. ღონისძიების ფარგლებში, საქართველო წარადგენს თავის ხედვასა და გეგმებს, თუ როგორ შეუძლია ქვეყანას ხელი შეუწყოს ტრანსკასპიური სატრანსპორტო დერეფნის განვითარებას და ჩვენს რეგიონსა და ევროკავშირს შორის მჭიდრო სატრანსპორტო კავშირების დამყარებას.
მარიამ ქვრივიშვილთან ერთად ტაშკენტში იმყოფებიან მინისტრის მოადგილეები თამარ იოსელიანი და გენადი არველაძე.
დღის ტოპ 10 სიახლე
სხვა სიახლეები
საქართველო აგრძელებს სატრანზიტო პროცედურების გამარტივებას, მათ შორისაა ელექტრონულ მონაცემთა გაცვლა, საბაჟო პროცესების ჰარმონიზება, ასევე რეგიონულ და ევროპულ ციფრულ სისტემებთან მჭიდრო ინტეგრაცია - მარიამ ქვრივიშვილი
27.11.2025.16:49
ევროკავშირის, ცენტრალური აზიის, სამხრეთ კავკასიისა და შავი ზღვის რეგიონის ტრანსპორტის მინისტრების შეხვედრაზე, რომელიც ტაშკენტში გაიმართა, საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა ტრანსკასპიური სატრანსპორტო დერეფნის განვითარებაზე საუბრისას ხაზი გაუსვა რამდენიმე მნიშვნელოვან მიმართულებას. მინისტრის განცხადებით, ძალიან მნიშვნელოვანია ერთიანი ციფრული სერვისების ეკოსისტემის ჩამოყალიბება მთელ დერეფანში, რაც შეამცირებს დაყოვნებას და გაზრდის პროგნოზირებადობას, ასევე აუცილებელია არსებით ინფრასტრუქტურაში ინვესტიციების კოორდინაცია, რაც უზრუნველყოფს თითოეული სეგმენტის განვითარებას.
აღნიშნული დერეფნის განვითარების მნიშვნელოვან ფაქტორებად მარიამ ქვრივიშვილმა უწყებათაშორისი კოორდინაციის გაძლიერება, ასევე მონაცემთა სრული გამჭვირვალობისა და სინქრონიზებული ოპერაციული დაგეგმვის ხელშეწყობა დაასახელა, რომ პარტნიორებმა შეძლონ მოთხოვნის პროგნოზირება, გამტარუნარიანობის მართვა და შეფერხებებზე ერთობლივად რეაგირება.
„ეს ნაბიჯები ერთობლივად მოგვცემს შესაძლებლობას, ტრანსკასპიური სატრანსპორტო მარშრუტი ინტეგრირებულ, ეფექტიან და მდგრად დერეფნად ვაქციოთ" - აღნიშნა მარიამ ქვრივიშვილმა.
მინისტრის ინფორმაციით, მდგრადი, მწვანე ტრანსპორტის ხელშეწყობისა და დერეფნის გასწვრივ კოორდინაციის მექანიზმების შემდგომი გაუმჯობესების მიზნით, საქართველო დიდ ყურადღებას აქცევს ჰარმონიზაციას, ურთიერთთავსებადობასა და ინტეგრირებულ მონაცემთა სისტემებს. მარიამ ქვრივიშვილის განცხადებით, გაციფრულება დაკავშირებადობის დღის წესრიგის მთავარ საკითხად რჩება და შეესაბამება ევროკავშირის ციფრული ტრანსპორტის ინიციატივებს.
„საქართველო აგრძელებს ინიციატივების დანერგვას სატრანზიტო პროცედურების გასამარტივებლად და დასაჩქარებლად, მათ შორისაა ელექტრონულ მონაცემთა გაცვლა, საბაჟო პროცესების ავტომატიზაცია, ასევე რეგიონულ და ევროპულ ციფრულ სისტემებთან უფრო მჭიდრო ინტეგრაცია"- აღნიშნა ეკონომიკის მინისტრმა.
