საქართველო გლობალურ გამოწვევებს ეგებება საკმაოდ გაძლიერებული მაკროეკონომიკური ფუნდამენტური ფაქტორებით, დაბალი ინფლაციით, ძლიერი ეკონომიკური ზრდით - ნათია თურნავა
საქართველო გლობალურ გამოწვევებს ეგებება საკმაოდ გაძლიერებული მაკროეკონომიკური ფუნდამენტური ფაქტორებით, დაბალი ინფლაციით, ძლიერი ეკონომიკური ზრდით, - ამის შესახებ განცხადება სებ-ის პრეზიდენტმა ნათია თურნავამ გააკეთა, რომელიც აშშ-დან ახლახან დაბრუნდა, სადაც სსფ-ს და მსოფლიო ბანკის მაღალჩინოსნებთან ჰქონდა შეხვედრები.
თურნავას განმარტებით, საქართველოს ძალიან ბევრ ქვეყანასთან შედარებით მართლაც შესაშური მაკროეკონომიკური მაჩვენებლები აქვს. თურნავას თქმით, მსოფლიო ბანკსა და სსფ-ში გამართულ შეხვედრებზე თითქმის ყველა ქვეყნის წარმომადგენელი იმ გამოწვევებზე საუბრობდა, რაც გლობალურად არსებობს.
„საქართველო ამ გლობალურ გამოწვევებს ეგებება საკმაოდ გაძლიერებული მაკროეკონომიკური ფუნდამენტური ფაქტორებით, დაბალი ინფლაციით, ძლიერი ეკონომიკური ზრდით, გაუმჯობესებული საგარეო ბალანსით და მიმდინარე ანგარიშის დეფიციტით, ძალიან ძლიერ ფისკალური ანუ საბიუჯეტო პარამეტრებით, დაბალი დეფიციტით, დაბალი სახელმწიფო ვალით. მართლაც შესაშური მაკროეკონომიკური მაჩვენებლები გაქვს ძალიან ბევრ ქვეყანასთან შედარებით. ეს ერთი. და მეორე რა მესიჯიც ჩვენ მივიტანეთ და ვხედავთ ამის გააზრებას, ეს არის რომ საქართველოს აქტუალობა, საქართველოს როლი იზრდება. მე ვახსენე ფრაგმენტაცია. ფრაგმენტაცია კიდე სხვაგვარად შეიძლება აღვიქვათ, როგორც რეგიონალიზაცია, ანუ იმის ნაცვლად რომ მთლიანად გლობალური მსოფლიო იყოს უფრო შეკრული ახლა ხდება უფრო რეგიონალური თანამშრომლობის წარმოჩენა. ასევე როგორც საპირწონე პროცესი და აი ამ კონტექსტში ჩვენი შუა დერეფნის, სადაც საქართველო სტრატეგიულ ადგილს იკავებს, მით უფრო მეტად აქტუალური გახდა. განსაკუთრებით თუნდაც მსოფლიო ბანკისთვის, რომელიც ზოგადად ცნობილია რეგიონალური პროექტებით, ეს იქნება ინფრასტრუქტურა, ენერგეტიკა, კომუნიკაციები და ასე შემდეგ. ნებისმიერი ამ განვითარების პროცესში რეგიონში ჩვენს შუა დერეფანში საქართველოს ადგილი და როლი ძალიან მნიშვნელოვანია. ერთი ათად გაიზარდა ჩვენი აქტუალობა და ამის გააზრებას ვხედავთ. და ამას ეყრდნობა ის ზომიერი ოპტიმიზმი რასაც ჩვენ გამოვხატავთ და ის პოზიტიური გზავნილები“, - განაცხადა ნათია თურნავამ.
დღის ტოპ 10 სიახლე
სხვა სიახლეები
საქართველო, აზერბაიჯანი, თურქეთი და ბულგარეთი შევთანხმდით, რომ მოხდება ძალების გაერთიანება იმისთვის, რომ ქვეყნებს შორის არსებული ელექტროგადამცემი სახმელეთო ხაზების კიდევ უფრო მეტად განვითარება მოხდეს - მარიამ ქვრივიშვილი
10.11.2026.20:25
ვიზიტის ფარგლებში მნიშვნელოვან რეგიონულ შეთანხმებას მოეწერა ხელი, რომლის ნაწილიც ჩვენი ქვეყანაა, - აცხადებს საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი, რომელიც ანტალიაში, გაეროს კლიმატის ცვლილების ჩარჩო კონვენციის მხარეთა 31-ე კონფერენციის (COP31) ფარგლებში გამართულ შეხვედრებში მონაწილეობდა.
მარიამ ქვრივიშვილის თქმით, ოთხმხრივი თანამშრომლობა ახალ შესაძლებლობებს გაუხსნის რეგიონის ენერგეტიკულ სექტორს და გაზრდის საექსპორტო პოტენციალს.
„საქართველო, აზერბაიჯანი, თურქეთი და ბულგარეთი შევთანხმდით, რომ მოხდება ძალების გაერთიანება იმისთვის, რომ ქვეყნებს შორის არსებული ელექტროგადამცემი სახმელეთო ხაზების კიდევ უფრო მეტად განვითარება მოხდეს, იმისთვის, რომ ხელი შევუწყოთ ჩვენს ქვეყნებში გენერირებული ელექტროენერგიის შემდგომში კიდევ უფრო მეტი წარმატებითა და მეტი გამტარუნარიანობით ექსპორტს ევროკავშირის ქვეყნებში. ეს არის ძალიან მნიშვნელოვანი ინიციატივა", - განაცხადა მარიამ ქვრივიშვილმა.
როგორც ეკონომიკისა და მდგრადი განვითარების მინისტრი ამბობს, საქართველოსთვის ენერგეტიკის სექტორის განვითარებას განსაკუთრებული მნიშვნელობა აქვს
„ჩვენი ქვეყანა ყოველთვის მჭიდროდ თანამშრომლობს მეზობელ ქვეყნებთან და ჩვენს პარტნიორებთან. ჩვენთვის განსაკუთრებული მნიშვნელობა აქვს ენერგეტიკის სექტორის განვითარებას და ამ ხედვის განუყოფელი ნაწილია, რომ ხელი შევუწყოთ საქართველოში ოპერირებად ბიზნესებს, მათ მიერ წარმოებული ელექტროენერგიის შემდგომი ექსპორტისთვის", - განაცხადა მინისტრმა.
ანტალიაში ხელმოწერილი "საქართველოს, აზერბაიჯანის, ბულგარეთის და თურქეთის რესპუბლიკის მთავრობებს შორის სუფთა ენერგიის სფეროში სტრატეგიული პარტნიორობის შესახებ შეთანხმების"მიზანი აღნიშნულ ქვეყნებს შორის სუფთა ენერგიის სფეროში სტრატეგიული პარტნიორობის ფარგლებში ენერგეტიკული დაკავშირებადობისა და უსაფრთხოების გაძლიერება, სუფთა ენერგიის წყაროებიდან გამომუშავებული ელექტროენერგიის გადაცემისა და მიწოდების ხელშეწყობა და შესაბამისი ინფრასტრუქტურის განვითარებაა.
გამჭვირვალობით და კონკურენტულობის გაზრდით შევძლებთ იმას, რომ საფინანსო სექტორში მეტი მოთამაშე იქნება | შოთა ბერეკაშვილი
10.11.2026.17:34
