საკუთარ პროდუქციასა და მომსახურებაზე ფასების ზრდის მოლოდინი 1-წლიან პერიოდში შემცირებულია - სებ ინფლაციური მოლოდინების კვლევას აქვეყნებს
საქართველოს ეროვნული ბანკი მარტის თვის ინფლაციური მოლოდინებისა და ეკონომიკური აქტივობის ანგარიშს აქვეყნებს.
ანგარიშში წარმოდგენილია ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის მარტის თვის შედეგები.
როგორც ანგარიშშია აღნიშნული, ეკონომიკური საქმიანობის მონაწილეთა მიხედვით, საკუთარ პროდუქციასა და მომსახურებაზე ფასების ზრდის მოლოდინი ერთ წლიან პერიოდში შემცირებულია. კერძოდ, მარტში თებერვალთან შედარებით მნიშვნელოვნად ნაკლებია იმ რესპონდენტთა რაოდენობა, რომლებიც საკუთარ პროდუქტზე ფასების მატებას 2%-4%-ის ფარგლებსა და 8%-ზე მეტად ელოდებიან. ამავე დროს მომატებულია იმ რესპონდენტთა წილი, რომლებიც ფასების ცვლილებას 0%-2%, 4%-6% და 6%-8%-ის ინტერვალში ვარაუდობენ.
ამავდროულად, ეკონომიკური საქმიანობის მონაწილეთა მიხედვით, მარტში თებერვალთან შედარებით ერთწლიან პერიოდზე ინფლაციური მოლოდინები მომატებულია. იმ რესპონდენტთა რაოდენობა, რომლებიც მომდევნო 1 წლის მანძილზე ფასების ზრდას 4%-6%-ისა და 6%- 8%-ის ინტერვალში ფიქრობენ, გაიზარდა. ხოლო, დაკლებულია იმ რესპონდენტთა ხვედრითი წილი, რომლებიც 1 წლის ჰორიზონტზე ინფლაციას უფრო დაბალ ინტერვალში, 0%-2%-ისა და 2%-4%-ის ფარგლებში, მოიაზრებენ. ასევე, მარტში წინა თვისაგან განსხვავებით, აღარ არიან ისეთი რესპონდენტებიც, რომლებიც სამომხმარებლო ფასების შემცირებას -2%-0% ინტერვალსა და -2%-ზე ნაკლებად ელოდებიან. თუმცა აღსანიშნავია, რომ შემცირებულია იმ რესპონდენტთა რაოდენობა, რომლებიც სამომხმარებლო ფასების ზრდას 8%-ზე მეტად ელოდებიან.
გამოკითხულთა აზრით, მარტში თებერვალთან შედარებით სამწლიან პერიოდზე ინფლაციური მოლოდინები გაზრდილია. ერთი მხრივ, თებერვალთან შედარებით, მომატებულია იმ მონაწილეთა რაოდენობა, რომლებიც მომდევნო სამი წლის მანძილზე ფასების ცვლილებას 8%-ზე მეტად ელოდებიან. მეორე მხრივ, შემცირებულია იმ მონაწილეთა რაოდენობა, რომლებიც ფასების ცვლილებას შედარებით დაბალი ზრდის ინტერვალში, 4%-6%-ის ფარგლებში, პროგნოზირებენ. ამასთანავე, მომატებულია იმ რესპონდენტთა წილი, რომლებიც ინფლაციას 2%-4%-ის ფარგლებში მოელიან.
გამოკითხვის შედეგებით, მარტში თებერვალთან შედარებით მოლოდინები ხელფასების ზრდაზე მცირედით მომატებულია. კერძოდ, გაზრდილია იმ რესპონდენტთა რაოდენობა, რომლებიც ხელფასების ცვლილებას 0%-10%-ისა და 10%-20%-ის ფარგლებში ელოდებიან. ამავე დროს, შემცირებულია იმ რესპონდენტთა რაოდენობა, რომლებიც ხელფასების ცვლილებას -10%-0%-ის მიდამოში მოიაზრებენ.
კვლევის მიხედვით, მარტში კომპანიაში წარმოებისათვის საჭირო რესურსების გამოყენების ეფექტიანობა (კომპანიის რესურსების რეალური გამოყენება, მაქსიმალურ გამოყენებასთან შედარებით) თებერვალთან შედარებით გაზრდილია.
დღის ტოპ 10 სიახლე
სხვა სიახლეები
ფრანგული კომპანიები დაინტერესებულები არიან საქართველოში ინვესტიციების განხორციელებით - თამარ იოსელიანი
01.12.2025.13:15
ფრანგული კომპანიები დაინტერესებულები არიან საქართველოში ინვესტიციების განხორციელებით, - ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას საქართველოს ეკონომიკისა და მდგრადი განვითარების მინისტრმა თამარ იოსელიანმა საფრანგეთის ტრანსპორტის მინისტრთან შეხვედრის შესახებ საუბრისას განაცხადა. როგორც თამარ იოსელიანმა განმარტა, ამ მიმართულებით თანამშრომლობა სამომავლოდ კიდევ უფრო გაღრმავდება.
„ძალიან მნიშვნელოვანი შეხვედრა გვქონდა საფრანგეთის ტრანსპორტის მინისტრთან. ჩვენ სამუშაო შეხვედრა გავმართეთ, ვისაუბრეთ როგორც სავაჭრო-ეკონომიკური კავშირების გაღრმავებაზე, ასევე ვისაუბრეთ სატრანსპორტო-ლოგისტიკურ სექტორში არსებულ პროექტებთან დაკავშირებით და ხაზი გაესვა იმას, რომ ფრანგული კომპანიები დაინტერესებულები არიან საქართველოში ინვესტიციების განხორციელებით და შესაბამისად ამ კუთხით ჩვენ შევთანხმდით, რომ გავაღრმავებთ ურთიერთობებს“, - აღნიშნა მინისტრის მოადგილემ.
შეგახსენებთ, რომ რამდენიმე დღის უკან ეკონომიკისა და მდგრადი განვითარების მინისტრი მარიამ ქვრივიშვილი თამარ იოსელიანთან ერთად საფრანგეთის ტრანსპორტის მინისტრს, ფილიპ ტაბაროს შეხვდა. შეხვედრაზე მხარეებმა განიხილეს ეკონომიკური თანამშრომლობის პრიორიტეტული მიმართულებები. განსაკუთრებული ყურადღება გამახვილდა ტრანსპორტისა და ლოგისტიკის სექტორებზე.
შეხვედრა ტრანსკასპიური სატრანსპორტო კორიდორის და დაკავშირებადობის საინვესტიციო ფორუმისა და ევროკავშირის, ცენტრალური აზიის, სამხრეთ კავკასიის და შავი ზღვის რეგიონის ქვეყნების ტრანსპორტის მინისტერიალის ფარგლებში გაიმართა, რომელიც უზბეკეთის დედაქალაქ ტაშკენტში მიმდინარეობს.
შეხვედრაზე ქართულმა მხარემ დეტალურად ისაუბრა სახელმწიფოს მიერ მხარდაჭერილ მსხვილ სატრანსპორტო - ლოგისტიკურ ინფრასტრუქტურულ პროექტებზე, რომელთა განვითარების შედეგად საქართველოზე გამავალი სატრანსპორტო მარშრუტები, მათ შორის, ტრანსკასპიური სატრანსპორტო დერეფანი უფრო მეტად კონკურენტული გახდება, რაც ხელს შეუწყობს დაკავშირებადობის ზრდას აზიასა და ევროპას შორის.
ასეთ პრიორიტეტულ პროექტებს შორის დასახელდა რკინიგზის ინფრასტრუქტურის მოდერნიზაციისა და განახლების პროექტი, აღმოსავლეთ - დასავლეთის ავტომაგისტრალი, თბილისის ახალი საერთაშორისო აეროპორტი და სხვა.
საუბარი ასევე შეეხო თანამშრომლობის გაღრმავებას რკინიგზის, საზღვაო ტრანსპორტისა და სამოქალაქო ავიაციის მიმართულებით.
შეხვედრაზე მხარეებმა ყურადღება გაამახვილეს ტრანსპორტისა და ლოგისტიკის სექტორებში ფრანგული კომპანიების ინვესტიციებზე და მათი ხელშეწყობის მზადყოფნა გამოთქვეს.
შეხვედრაზე მხარეებმა გამოთქვეს მზადყოფნა, ხელი შეუწყონ შემდგომ თანამშრომლობას ორ ქვეყანას შორის ტრანსპორტისა და ლოგისტიკის, აგრეთვე რეგიონული სატრანსპორტო დერეფნების განვითარების მიმართულებით.
შავი ზღვის წყალქვეშა ელექტროგადამცემი ხაზის მშენებლობისთვის საჭირო გეოლოგიური კვლევებისთვის 2026 წელს გათვალისწინებულია 25,0 მლნ ლარი
29.11.2025.16:02
მესამე კვარტალში შიდა ვიზიტორების მიერ გაწეულმა თვიურმა საშუალო ხარჯმა 399.5 მლნ ლარი შეადგინა - საქსტატი
28.11.2025.11:15
