სახელმწიფო ქონების 2025 წლის პირველი კვარტლის პრივატიზაციის გეგმა 101%-ით შესრულდა
ეკონომიკის სამინისტროს სახელმწიფო ქონების ეროვნულმა სააგენტომ, 2025 წლის პირველი კვარტლის პრივატიზაციის გეგმა 101.41%-ით შეასრულა. აქტიური საპრივატიზებო მოქმედებების შედეგად, სახელმწიფო ბიუჯეტში გადარიცხულმა თანხის მოცულობამ ჯამში 44 517 925 ლარი შეადგინა. შეგახსენებთ, რომ მიმდინარე წლის პირველი კვარტლის საპრივატიზებო გეგმა 43 900 000 ლარს შეადგენდა.
საანგარიშგებო პერიოდში სააგენტომ 202 ელექტრონული აუქციონი გამოაცხადა, ხოლო აუქციონის წესით გაყიდული ქონებების ოდენობამ ჯამში 133 ობიექტი შეადგინა.
გაცნობებთ, რომ სახელმწიფო ქონების ეროვნული სააგენტო უძრავი ქონების პრივატიზების პარალელურად, აქტიურად ახორციელებს მოძრავი ქონების აუქციონის წესით გასხვისებას. პირველი კვარტლის მონაცემებით, გაყიდულმა მოძრავი ქონების ჯამურმა ღირებულებამ 3 766 866 ლარი შეადგინა, ხოლო გამოცხადებული აუქციონების რაოდენობა 6 509-ს უტოლდება.
ყველაზე მოთხოვნად კატეგორიებს შორისაა სატრანსპორტო საშუალებები, საიუველირო ნაკეთობები, ჯართი, სამშენებლო ტექნიკა, ხელსაწყოები და მასალა, კომპიუტერული და საოფისე ტექნიკა. პორტალზე რეგისტრაცია და ელექტრონული აუქციონის ფორმატში საკუთარი სარეალიზაციო პროდუქციის განთავსების შესაძლებლობა აქვს ყველა დაინტერესებულ პირს.
სააგენტო აქტიურად აგრძელებს სახელმწიფო ქონების დაჩქარებული პრივატიზაციის პროცესს და კერძო სექტორს სხვადასხვა უძრავ თუ მოძრავ ქონებას პროაქტიულად შეთავაზებს. გაცნობებთ, რომ პრივატიზების პროცესი გამჭვირვალე და ყველასთვის ხელმისაწვდომია. ნებისმიერ დაინტერესებულ პირს, შესაძლებლობა აქვს ყოველგვარი ბიუროკრატიული პროცედურების გარეშე მონაწილეობა მიიღოს მიმდინარე ელექტრონულ აუქციონებში და მოკლე დროში გახდეს სახელმწიფო აქტივის მესაკუთრე.
დღის ტოპ 10 სიახლე
სხვა სიახლეები
Business Insider Georgia-ს ეკონომიკური კალენდარი | 6 - 10 ივლისი
05.07.2026.02:54
რა ეკონომიკურ სიახლეებს გაეცნობით მიმდინარე კვირის განმავლობაში | Business Insider Georgia 6 - 10 ივლისის კალენდარს გიზიარებთ:
საქსტატის კალენდარი
7 ივლისი | სტატისტიკური პუბლიკაცია „საქართველოს საგარეო ვაჭრობა, 2025“ (ქართულ და ინგლისურ ენებზე, ელექტრონული ვერსია)
7 ივლისი | მშენებლობის ღირებულების ინდექსი (2026 წლის მაისი)
10 ივლისი | სამომხმარებლო ფასების ჰარმონიზებული ინდექსი (2026 წლის ივნისი)
სებ-ის კალენდარი
10 ივლისი | ცენტრალური ბანკის მიმოხილვა
10 ივლისი | საგარეო ვალის გადახდის გრაფიკი
ირაკლი ნადარეიშვილმა საქართველო - ლომბარდიის რეგიონის მრგვალი მაგიდის მუშაობაში მონაწილეობა მიიღო
04.07.2026.20:18
მარიამ ქვრივიშვილმა უზბეკ მინისტრებს ანაკლიის ღრმაწყლოვანი პორტის სამშენებლო სამუშაოები დაათვალიერებინა
04.07.2026.10:53
