საქართველოში ისრაელიდან იმპორტი 106%-იან ზრდას, ხოლო ისრაელში ექსპორტი 35%-იან ზრდას აჩვენებს. საქსტატის ინფორმაციით, 2025 წლის იანვარ-თებერვალში საქართველომ ისრაელიდან 4,986.85 ათასი დოლარის ღირებულების პროდუქცია იყიდა, 2024 წლის ანალოგიურ პერიოდში კი 2,417.42 ათასი დოლარის. ზრდა 106,2%-ია. არსებული სტატისტიკა აჩვენებს, რომ ისრაელიდან იმპორტში ნომერ პირველი პროდუქტი ნავთობპროდუქტები, რომელზედაც ამ ქვეყნიდან იმპორტის 38%-ი მოდის

TOP 5 პროდუქტი, რასაც საქართველო ისრაელიდან ყიდულობს:

• ნავთობი და ნავთობპროდუქტები - 1,882.36 ათასი დოლარი;
• კოსმეტიკური საშუალებები ან მაკიაჟისა და კანის მოვლის საშუალებები - 563.78 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 403.76 ათასი დოლარი;
• ზედაპირულად აქტიური ორგანული ნივთიერებები; სარეცხი და საწმენდი საშუალებები - 248.03 ათასი დოლარი;
• ნაწილები განკუთვნილი ტელე-რადიო აპარატურისათვის - 245.19 ათასი დოლარი;

რაც შეეხება საქართველოდან ისრაელში ექსპორტს, აქ სტატისტიკაში 35.07%-იანი ზრდაა. 2025 წლის იანვარ-თებერვალში საქართველომ ისრაელში 7,850.41 ათასი დოლარის პროდუქცია გაგზავნა, 2024 წლის ანალოგიურ პერიოდში კი 5,812.10 ათასი დოლარის. საქართველოდან ისრაელში ნომერ პირველი საექსპორტო პროდუქტი ფეროშენადნობებია.

TOP 5 პროდუქტი, რასაც საქართველო ისრაელში ყიდის:

• ფეროშენადნობები - 858.60 ათასი დოლარი;
• სასუქები მინერალური ან ქიმიური, აზოტოვანი - 706.43 ათასი დოლარი;
• თხილი და სხვა კაკალი - 665.28 ათასი დოლარი;
• საფრენი აპარატების ნაწილები - 570.28 ათასი დოლარი;
• აპარატურა გადამცემი - 487.29 ათასი დოლარი;