საერთო ჯამში, სახელმწიფოს მხრიდან მხარდაჭერილია 2000-მდე პროექტი, რომლებიც სტუმარ-მასპინძლობის ინდუსტრიას და სხვა ტურისტულ მიმართულებებს უკავშირდება - ირაკლი ნადარეიშვილი
ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა თბილისში მიმდინარე სტუმარმასპინძლობის საინვესტიციო ფორუმში (HIF – Hospitality Investment Forum) მიიღო მონაწილეობა. ფორუმის ფარგლებში გამართულ პანელურ დისკუსიაში სიტყვით გამოსვლისას ირაკლი ნადარეიშვილმა დამსწრე საზოგადოებას საქართველოში ტურიზმის ინდუსტრიის და მათ შორის სტუმარმასპინძლობის სექტორის განვითარების დინამიკა და შემდგომი პერსპექტივები, ასევე ამ მიზნით მიმდინარე პროექტები გააცნო.
„ტურიზმი საქართველოს ეკონომიკის ერთ-ერთი სტრატეგიული და მზარდი დარგია. დღეს ქვეყნის მშპ-ს თითქმის 10% ტურიზმის სექტორით არის წარმოდგენილი. ეს არის ძალიან მაღალი ინკლუზიურობის მქონე სფერო დასაქმების კუთხით. ასევე ბიზნეს სექტორის დივერსიფიცირების თავლსაზრისით - ტურიზმის ინდუსტრიაში გვყავს ათასობით მიკრო და მცირე მეწარმე და ამავე დროს უმსხვილესი საერთაშორისო კომპანიებიც. ასევე ძალიან ფართოა იმ პროდუქტებისა და სერვისების დიაპაზონი, რომელიც ტურიზმის ინდუსტრიისთვის არის საჭირო", - განაცხადა მინისტრის მოადგილემ.
ეკონომიკის მინისტრის მოადგილემ ფორუმის მონაწილეებს ტურიზმის სექტორის განვითარების კუთხით არსებული რეკორდული მაჩვენებლები და მიმდინარე ინფრასტრუქტურული პროექტები გააცნო. „გასულ წელს რეკორდულ 7.8 მლნ საერთაშორისო ვიზიტორს. 2025 წელს შემოსავლების კუთხითაც რეკორდული მაჩვენებელი დაფიქსირდა - 4.7 მლრდ აშშ დოლარი. აღსანიშნავია, რომ საერთაშორისო ვიზიტორების 70% არიან ტურისტები, რომლებიც განმეორებით ჩამოდიან ჩვენს ქვეყანაში. მნიშვნელოვანია ინფრასტრუქტურული პროექტების განვითარებაც - 1.2 მლრდ აშშ დოლარის ინვესტირება მოხდება თბილისის ახალ საერთაშორისო აეროპორტში, რომელიც 2031 წლიდან ამოქმედდება და წლიურად დაახლოებით 20 მლნ მგზავრს მოემსახურება. მნიშვნელოვნად ვაფართოვებთ ქუთაისის საეთაშორისო აეროპორტს, ასევე მნიშვნელოვანი ინვესტიციები ხორციელდება პირდაპირი ფრენების სტიმულირების მიმართულებით. 2025 წელს საქართველოს აეროპორტებიდან 70-ზე მეტი ავიაკომპანია 120-ზე მეტი საჰაერო ხაზზე ოპერირებდა", - აღნიშნა ირაკლი ნადარეიშვილმა.
მინისტრის მოადგილემ ფორუმის მონაწილეებს ასევე ინფორმაცია მიაწოდა საქართველოში არსებული ბიზნეს და საინვესტიციო გარემოს შესახებ. „ადგილობრივი ბიზნესის განვითარების კუთხით გვაქვს მკვეთრი ზრდა, მათ შორის საერთო ჯამში სახელმწიფოს მხრიდან მხარდაჭერილია 2000-მდე პროექტი, რომლებიც სტუმარ-მასპინძლობის ინდუსტრიას და სხვა ტურისტულ მიმართულებებს უკავშირდება" - განაცხადა ირაკლი ნადარეიშვილმა.
„სტუმარმასპინძლობის საინვესტიციო ფორუმი თბილისი 2026" მნიშვნელოვანი საერთაშორისო საინვესტიციო პლატფორმაა - ფორუმში მონაწილეობენ წამყვანი სასტუმრო ბრენდები, ინვესტორები, ადგილობრივი და საერთაშორისო დეველოპერები, საჯარო და კერძო სექტორების წარმომადგენლები.
დღის ტოპ 10 სიახლე
სხვა სიახლეები
იანვარში კომპანიაში წარმოებისათვის საჭირო რესურსების გამოყენების ეფექტიანობა წინა თვესთან შედარებით გაზრდილია - სებ
18.02.2026.17:33
სებ-მა ინფლაციური მოლოდინებისა და ეკონომიკური აქტივობის შესახებ პუბლიკაცია გამოაქვეყნა, რომელშიც ბიზნესის შეფასებები არის გათვალისწინებული.
„მოცემულ ანგარიშში წარმოდგენილია ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის 2026 წლის იანვრის თვის შედეგები:
ეკონომიკური საქმიანობის მონაწილეთა მიხედვით, 2026 წლის იანვარში 2025 წლის დეკემბერთან შედარებით ერთწლიან პერიოდზე ინფლაციური მოლოდინები გაიზარდა. იმ რესპონდენტთა წილი, რომლებიც ფასების ცვლილებას 8%-ზე მეტად და 4%-6% ინტერვალში ვარაუდობენ გაზრდილია. თუმცა, იანვარში დეკემბერთან შედარებით შემცირებულია იმ რესპონდენტთა რაოდენობა, რომლებიც ფასების ცვლილებას 6-8%-ის ფარგლებში მოიაზრებენ.
ამავე გამოკითხვის მიხედვით, მიმდინარე წლის იანვარში გასული წლის დეკემბერთან შედარებით სამწლიან პერიოდზე ინფლაციური მოლოდინები გაზრდილია. ერთი მხრივ, იმ მონაწილეთა რაოდენობა,
რომლებიც მომდევნო სამი წლის მანძილზე ფასების ცვლილებას 8%-ზე მეტად ფიქრობენ გაიზარდა. მეორე მხრივ, წინა თვესთან შედარებით, შემცირდა იმ მონაწილეთა რაოდენობა, რომლებიც ფასების ზრდას 2-4%-ისა და 4-6%-ის ფარგლებში ელოდებიან. ასევე, აღსანიშნავია, რომ გაიზარდა იმ რესპონდენტთა ხვედრითი წილი, რომლებიც ფასების ზრდას უფრო დაბალ დიაპაზონში, 0-2%-ის, ფარგლებში მოიაზრებენ.
გამოკითხულთა აზრით, საკუთარ პროდუქციაზე/მომსახურებაზე ფასების ზრდის მოლოდინი 1 წლიან პერიოდში გაზრდილია. კერძოდ, მცირედით ზრდის მიმართულებით გადაიხედა იმ რესპონდენტთა რაოდენობა, რომლებიც მომდევნო 1 წლის მანძილზე ფასების ზრდას 8%-ზე მეტად, 6-
8%-ისა და 0%-2%ის დიაპაზონში მოიაზრებენ. ამავდროულად, შემცირდა იმ რესპონდენტთა რაოდენობა, რომლებიც სამომხმარებლო ფასების უცვლელობას ელოდებიან.
ამავე გამოკითხვის მიხედვით, იანვარში დეკემბერთან შედარებით მოლოდინები ხელფასების ზრდაზე გაზრდილია. კერძოდ, იმ რესპონდენტთა რაოდენობა, რომლებიც ხელფასების ცვლილებას 10-20%-
ის ინტერვალსა და 30%-ზე მეტად ელოდებიან გაზრდილია. ამავდროულად, მნიშვნელოვნად შემცირებულია იმ რესპონდენტთა რაოდენობა, რომლებიც ხელფასების ცვლილებას 0%-10%-ის დიაპაზონში ელოდებიან.
გამოკითხულთა აზრით, იანვარში კომპანიაში წარმოებისათვის საჭირო რესურსების გამოყენების ეფექტიანობა (კომპანიის რესურსების რეალური გამოყენება, მაქსიმალურ გამოყენებასთან შედარებით) წინა თვესთან შედარებით გაზრდილია“, - აღნიშნულია პუბლიკაციაში.
მიხარია, რომ გაგვითენდა ის დღე, როცა ენერგეტიკა სახელმწიფოსთვის არის პირველ ადგილზე - გიორგი მარგებაძე
18.02.2026.16:55
მარიამ ქვრივიშვილმა GREDA-ს წარმომადგენლებთან ელექტროსადგურების მიერ გადახდილი ქონების გადასახადის განაწილებასთან დაკავშირებული კანონპროექტი განიხილა
18.02.2026.16:12
