საქართველოს ეკონომიკა მომზადებული ხვდება ყველა გამოწვევას, ამ მხრივ საქართველო გამორჩეულია რეგიონში - ნათია თურნავა
„ძალიან მნიშვნელოვანია რომ მოვისმინეთ ერთმნიშვნელოვანი მესიჯი საერთაშორისო სავალუტო ფონდისგან, რომ ისინი ყოველთვის მხარს უჭერდნენ და კვლავაც განაგრძობენ საქართველოს მხარდაჭერას", - ამის შესახებ ეროვნული ბანკის პრეზიდენტმა ნათია თურნავამ ვაშინგტონში, საერთაშორისო სავალუტო ფონდის წარმომადგენლებთან შეხვედრის შემდეგ განაცხადა. მისივე თქმით, უახლოეს პერიოდში საქართველოში იგეგმება სსფ-ს მისიის ვიზიტი ე.წ. მეოთხე მუხლის პროგრამის ფარგლებში.
სებ-ის პრეზიდენტის შეფასებით, ვაშინგტონში მიმდინარე სსფ-სა და მსოფლიო ბანკის საგაზაფხულო შეხვედრები ძალიან კარგი შესაძლებლობაა გლობალურ ეკონომიკაში მიმდინარე პროცესებსა და გამოწვევებზე მოსაზრებების მოსასმენად.
„გვაქვს ძალიან კარგი შესაძლებლობა სსფ-სა და მსოფლიო ბანკის წარმომადგენლებს გავაცნოთ ჩვენი ქვეყნის ეკონომიკური მდგომარეობა. საქართველოს ეკონომიკა მომზადებული ხვდება ყველა გამოწვევას-სტაბილური მაკროეკონომიკური ფაქტორებით, დაბალი ინფლაციით და მაღალი ეკონომიკური ზრდით. საკმაოდ მყარია ფისკალური პოლიტიკის მდგომარეობა და დაბალია საბიუჯეტო დეფიციტი. ჩვენ ვზრდით საერთაშორისო რეზერვებს, ვატარებთ საკმაოდ ფრთხილ და გონივრულ მონეტარულ პოლიტიკას. ყველა ეს პარამეტრი გამოარჩევს ჩვენს ქვეყანას რეგიონში", - განაცხადა ნათია თურნავამ.
აშშ-ში საერთაშორისო სავალუტო ფონდისა და მსოფლიო ბანკის საგაზაფხულო შეხვედრების ფარგლებში, ნათია თურნავა უკვე შეხვდა ყაზახეთისა და თურქეთის ცენტრალური ბანკების პრეზიდენტებს.
ერთკვირიანი ვიზიტის ფარგლებში ასევე დაგეგმილია ეროვნული ბანკის პრეზიდენტისა და დელეგაციის წევრების შეხვედრა აშშ-ის ფედერალური სარეზერვო სისტემის (FED) წარმომადგენლებთან. გარდა ამისა, შეხვედრები გაიმართება ამერიკული საინვესტიციო კომპანიების - J.P. Morgan-ისა და Bank of America-ს ინვესტორებთან, სადაც ნათია თურნავა პრეზენტაციით წარდგება.
დღის ტოპ 10 სიახლე
სხვა სიახლეები
ჩვენ აქტიურად ვმუშაობთ ახალ ავიაკომპანიებთან - ლევან მოსეშვილი
29.05.2025.23:18
საქართველოს აეროპორტების გაერთიანება ქვეყნის ავიაბაზარზე ახალი ავიაკომპანიების შემოსაყვანად ინტენსიურად მუშაობს. როგორც რადიო „სივრცის“ ეთერში გადაცემა Business Insider Georgia-ში სტუმრობისას საქართველოს აეროპორტების გაერთიანების ხელმძღვანელმა ლევან მოსეშვილმა განაცხადა, 15 ივნისიდან საქართველოს ავიაბაზარს ემატება ახალი ავიაკომპანია Air Serbia, ხოლო ქუთაისის საერთაშორისო აეროპორტს კი ახალი მიმართულება - ლიონი ემატება.
„ჩვენ აქტიურად ვმუშაობთ ახალ ავიაკომპანიებთან. British Airways-ი ეს ერთ-ერთი პრესტიჟული და ძველი ავიაკომპანიაა ევროპაში. ძალიან რთული იყო ეს პროცესი, რომ British Airways-თან მოლაპარაკებები გვეწარმოებინა, რათა საქართველოს ავიაბაზარზე შემოსულიყო. მით უმეტეს ლონდონის აეროპორტი ერთ-ერთი ყველაზე დატვირთული აეროპორტია. სლოტის პოვნა, რომ British Airways-ს საქართველოს მიმართულებით სლოტი ჩაესვა ძალიან რთული იყო. აქედან გამომდინარე წარმატებით დავასრულეთ მოლაპარაკებები. ერთი რაც შემიძლია სასიხარულო ინფორმაცია აღვნიშნო ჩვენ სრულად ახალი მიმართულება გვემატება. 15 ივნისს ველოდებით Air Serbia-ს. საქართველოს მიმართულებით Air Serbia-ს პირველი ფრენა შესრულდება 15 ივნისს. თბილისისთვის ეს სრულად ახალი მიმართულებაა და იმედი გაქვს, რომ ამ მიმართულებიდან ახალი ტურისტული ნაკადები შემოვა. პირდაპირი ფრენები ძალიან მნიშვნელოვანია. პირდაპირი მიმოსვლა კომფორტიც არის ბიზნეს სექტორის განვითარებისთვის. ტურიზმზე ვაკეთებთ აქცენტს, მაგრამ არ უნდა დაგვავიწყდეს ჩვენი ბიზნეს სექტორიც. ბიზნეს პარტნიორებთან უფრო მარტივი და მოქნილია, როდესაც არის პირდაპირი მიმოსვლა. ავიაციას ხუმრობით დროის მანქანასაც ვუწოდებთ. საჰაერო მიმოსვლა დროს გვიზოგავს ძალიან.
აღსანიშნავია ისიც, რომ 3 ივნისს ჩვენ ქუთაისის საერთაშორისო აეროპორტიდან ლიონის მიმართულებას ვხსნით. ლიონი ძალიან პოპულარული მიმართულებაა. ჩვენი საამაყო ფეხბურთელი გიორგი მიქაუტაძე თამაშობს ლიონში და გულშემატკივრებისთვის ძალიან სასიხარულოა და მის თამასებზე შეუძლიათ თამამად ჩავიდნენ. ველოდებით ახალ მიმართულებაზე დატვირთვას. პოზიტივს ვინარჩუნებთ და გაქვს იმის იმედი, რომ ყველა მიმართულება ზაფხულში იქნება ძალიან დატვირთული. ყველა კმაყოფილი იქნება. ჩვენც სერვისებს უმაღლეს დონეზე შევთავაზებთ ჩვენს მგზავრებს და ყველა იქნება კმაყოფილი, რომ კვლავ დაგვიბრუნდნენ საქართველოში“, განაცხადა ლევან მოსეშვილმა.
მივედით იმ გადაწყვეტილებამდე, რომ რეისების დაყოვნებები მინიმუმამდე დავიყვანეთ - ლევან მოსეშვილი მთავრობის გადაწყვეტილებაზე
29.05.2025.23:16
ამ დროისათვის შიდა ფრენები ნატახტრის აეროდრომიდან სრულდება, თუმცა გვინდა, რომ თბილისის საერთაშორისო აეროპორტში გადმოვიტანოთ - ლევან მოსეშვილი
29.05.2025.17:00
საერთო ჯამში საქართველოს სამივე საერთაშორისო აეროპორტში 13%-იანი ზრდა გვქონდა - ლევან მოსეშვილი
29.05.2025.15:00
ზაფხულის სანავიგაციო სეზონზე ფრენის რაოდენობა კიდევ გაიზრდება, რაც იმის მაჩვენებელია, რომ საქართველოში უფრო მეტი ტურისტი შემოვა - ლევან მოსეშვილი
29.05.2025.13:00
2024 წელს ჯინის კოეფიციენტის მნიშვნელობა, როგორც მთლიანი შემოსავლების, ასევე მთლიანი სახსრების მიხედვით, შემცირდა 0.02-ით და 0.35 შეადგინა
29.05.2025.11:03
2024 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი 2.4%-ით შემცირდა - საქსტატი
29.05.2025.10:58
