საერთაშორისო სარეიტინგო კომპანია Moody’s-მა საქართველოს საბანკო სისტემის პერსპექტივა უარყოფითიდან სტაბილურამდე გააუმჯობესა
საერთაშორისო სარეიტინგო კომპანია Moody’s-მა საქართველოს საბანკო სისტემის პერსპექტივა (Ba2) უარყოფითიდან სტაბილურამდე გააუმჯობესა. გამოქვეყნებულ ანგარიშში Moody’s-ი აღნიშნავს:
საქართველოს საბანკო სისტემის პერსპექტივა (Ba2) უარყოფითიდან სტაბილურამდე შეიცვალა, რაც ასახავს ქვეყნის მაკროეკონომიკურ სიძლიერეს, პოლიტიკურ და გეოპოლიტიკურ რისკებს შორის ბალანსს. Moody’s-ი ელის, რომ 2026 და 2027 წლებში რეალური მშპ-ს ზრდა დაახლოებით 5.5% იქნება, რაც ხელს შეუწყობს ძლიერ საკრედიტო აქტივობასა და ჯანსაღ ბიზნეს გარემოს ჩამოყალიბებას.
Moody’s-ის ანგარიშში აღნიშნულია, რომ საბანკო აქტივების ხარისხი მდგრადი დარჩება. ძლიერი ეკონომიკური ზრდა და შინამეურნეობების შემოსავლების ჯანსაღი დინამიკა ხელს შეუწყობს მსესხებელთა გადახდისუნარიანობას.
კაპიტალის ბუფერები საკმარისი დარჩება, რასაც ხელს შეუწყობს მკაცრი მარეგულირებელი მოთხოვნები და ძლიერი შიდა კაპიტალის წარმოქმნა. ასევე, მაღალი დარჩება მომგებიანობა.
ანგარიშში ასევე აღნიშნულია, რომ დეპოზიტების დედოლარიზაცია კვლავ გაგრძელდა და საქართველოს ეროვნულმა ბანკმა აღადგინა უცხოური ვალუტის რეზერვები.
დღის ტოპ 10 სიახლე
2026 წლის I კვარტალში ევროკავშირიდან მოგზაურობით მიღებული შემოსავლები 36.4%-ით გაიზარდა - სტატისტიკა
სხვა სიახლეები
ტურისტული ვიზიტების ზრდის კვალდაკვალ სექტორში შემოსავლების რეკორდული ზრდა დაფიქსირდა - ირაკლი ნადარეიშვილი
21.04.2026.13:49
2026 წლის იანვარ-მარტში ტურისტული ვიზიტების ზრდის პარალელურად ტურიზმის სექტორში შემოსავლების რეკორდული მაჩვენებელი დაფიქსირდა. მიმდინარე წლის პირველ კვარტალში ტურისტული ვიზიტების ზრდის კვალდაკვალ შემოსავლების მაჩვენებელი შეჯამდა, რომელიც რეკორდულად გაიზარდა. ეს არის დაახლოებით 830 მლნ ამერიკული დოლარის ჯამურად გენერირებული შემოსავალი ტურიზმის ინდუსტრიაში. ამ ფონზე, მნიშვნელოვანია კიდევ ერთხელ გავუსვათ ხაზი ტურისტული ბაზრების დივერსიფიკაციას, რაც ამ დარგთან მიმართებით ჩვენი პოლიტიკის ერთ-ერთი ფუნდამენტია, - ასე შეაფასა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა 2026 წლის პირველ კვარტალში ტურიზმის სექტორის რეკორდული შემოსავლები.
მინისტრის მოადგილის ინფორმაციით, 2026 წლის პირველი კვარტლის სტატისტიკით შემოსავლების ნაწილში 36 - პროცენტიანი ზრდით ევროკავშირი ლიდერობს - ამ მიმართულებიდან მიღებულმა შემოსავლებმა 141 მლნ აშშ დოლარი შეადგინა, რაც მთლიანი შემოსავლების 17%-ია. ასევე მნიშვნელოვანია თურქეთის წილიც, რომელიც შემოსავლების დაახლოებით 15%-ს აგენერირებს.
„ტურისტული ნაკადების დივერსიფიცირებისა და პირდაპირი ფრენების კიდევ უფრო მეტად სტიმულირების შედეგად, ვიმედოვნებთ, რომ ტურისტული ნაკადებისა და ტურიზმიდან მიღებული შემოსავლების ზრდის ტენდენცია ზაფხულის ტურისტული სეზონის განმავლობაშიც შენარჩუნდება, - აცხადებს ეკონომიკისა და მდგრადი განვითარების მინისტრის მოადგილე.
საქართველოს ეკონომიკა ინარჩუნებს მდგრადობას გლობალური გაურკვევლობის ფონზე - სსფ-ს აღმასრულებელი დირექტორი
21.04.2026.11:14
შავი ზღვის წყალქვეშა კაბელი აჩენს საინვესტიციო ინტერესს, განსაკუთრებით მაშინ, როდესაც მსხვილი პროექტები დადგება დღის წესრიგში - ლევან ვეფხვაძე
21.04.2026.10:13
ტექნოლოგიური გადაიარაღების, ინდუსტრიებისა და სექტორების ზრდის ფონზე ელექტროენერგიაზე მოთხოვნა გაიზრდება - ლევან ვეფხვაძე
21.04.2026.10:11
