საავიაციო, საზღვაო, თუ სარკინიგზო სექტორში ვახორციელებთ ძალიან თანმიმდევრულ პოლიტიკას იმისათვის, რომ შუა დერეფნის კონტექსტში საქართველო მოემსახუროს როგორც ტვირთნაკადებს, ასევე მგზავრებს - თამარ იოსელიანი
საავიაციო სექტორში, ისე საზღვაო სექტორში, თუ სარკინიგზო სექტორში ვახორციელებთ ძალიან თანმიმდევრულ პოლიტიკას იმისათვის, რომ შუა დერეფნის კონტექსტში საქართველო იყოს მზად იმისათვის, რომ მოემსახუროს როგორც ტვირთნაკადებს, ასევე მგზავრებს, - ამის შესახებ გადაცემა „იმედის დილაში“, რუბრიკა Business Insider Georgia-ში სტუმრობისას საქართველოს ეკონომიკისა და მდგრადი განვითარების მინისტრის მოადგილემ თამარ იოსელიანმა განაცხადა.
თამარ იოსელიანის თქმით, მას შემდეგ რაც ვაზიანის აეროპორტი შევა ექსპლუატაციაში ის 20 მლნ მგზავრის მომსახურებას შეძლებს.
„თბილისის ახალი საერთაშორისო აეროპორტი, ვაზიანის საერთაშორისო აეროპორტი 2031 წლის ბოლოდან შევა ოპერირებაში. შესაბამისად ჩვენ გვაქვს ძალიან, ასე ვთქვათ, მკაფიო გეგმა თუ როგორ უნდა განვავითაროთ ახალი საერთაშორისო აეროპორტი, რომელიც მოემსახურება 20 მილიონ მგზავრს უკვე 2031 წლის ბოლოდან.
შესაბამისად ჩვენ მზად ვხვდებით იმ ნაკადებს, რომელზედაც გვაქვს გათვლა. აქედან გამომდინარე, როგორც საავიაციო სექტორში, ისე საზღვაო სექტორში, თუ სარკინიგზო სექტორში, ჩვენ ვახორციელებთ ძალიან თანმიმდევრულ პოლიტიკას იმისათვის, რომ შუა დერეფნის კონტექსტში საქართველო იყოს მზად იმისათვის, რომ მოემსახუროს როგორც ტვირთნაკადებს, ასევე მგზავრებს“, - აღნიშნა მინისტრის მოადგილემ.
დღის ტოპ 10 სიახლე
სხვა სიახლეები
UNESCO-ს მსოფლიო მემკვიდრეობის ცენტრისა და მისი მრჩეველი ორგანოების წარმომადგენლებთან შეხვედრაზე მცხეთის სივრცით-ტერიტორიული განვითარების მართვის დოკუმენტაციის შემუშავების საკითხები განიხილეს
10.03.2026.17:49
UNESCO-ს მსოფლიო მემკვიდრეობის ცენტრისა და მისი მრჩეველი ორგანოების - ICOMOS-ისა და ICCROM-ის წარმომადგენლები მსოფლიო მემკვიდრეობის ძეგლის - მცხეთის ისტორიული ძეგლების კონსერვაციის საერთო მდგომარეობას, მცხეთაში მოქმედი ქალაქთმშენებლობის განსაკუთრებული რეჟიმის, მორატორიუმის, ეფექტიანობისა და სივრცითი განვითარების საკითხებს შეაფასებენ.
შეხვედრაზე, რომელსაც საქართველოს რეგიონული განვითარების მინისტრი კახაბერ გულედანი და საქართველოს კულტურის მინისტრის მოადგილე გიორგი მირცხულავა უძღვებოდნენ, მცხეთასთან დაკავშირებული აქტუალური თემატიკა, მათ შორის, ქ. მცხეთის სივრცით-ტერიტორიული განვითარების მართვის დოკუმენტაციის შემუშავების საკითხები განიხილეს.
ICOMOS-ისა და ICCROM-ის წარმომადგენლებთან გამართულ შეხვედრაში, ასევე, ეკონომიკისა და მდგრადი განვითარების მინისტრის პირველი მოადგილე ნინო ენუქიძე, მცხეთა-მთიანეთის მხარის სახელმწიფო რწმუნებული ალექსანდრე ზაგაშვილი, ეკონომიკისა და მდგრადი განვითარების სამინისტროს სივრცითი და ქალაქთმშენებლობითი განვითარების სააგენტოს, ადგილობრივი თვითმმართველობის, საკანონმდებლო და აღმასრულებელი ხელისუფლების წარმომადგენლები მონაწილეობდნენ.
საქართველოს ეროვნული ბანკი საჯარო კონსულტაციის მიზნით ფასიანი ქაღალდების ბაზრის მონაწილეთათვის განკუთვნილი ჯარიმების ახალ წესს აქვეყნებს
10.03.2026.17:41
ორგანიზებული ქსელების წილი 65%-მდე გაიზარდა - როგორ იცვლება ძალთა ბალანსი FMCG ბაზარზე
10.03.2026.17:00
ეკონომიკური თავისუფლების ინდექსში საქართველოს პოზიცია გაუმჯობესდა - The Heritage Foundation
10.03.2026.15:39
ახლო აღმოსავლეთში მიმდინარე მოვლენების პარალელურად, ინვესტორები უსაფრთხო აქტივების ძიებაში არიან - TBC Capital
10.03.2026.15:22
