როგორია თურქეთ-საქართველოს 2025 წლის სავაჭრო სტატისტიკა

ეკონომიკა

როგორია თურქეთ-საქართველოს 2025 წლის სავაჭრო სტატისტიკა

20.01.2026.19:00

2025 წელს საქართველომ თურქეთში 332 910.5 ათასი დოლარის ღირებულების პროდუქცია გაგზავნა, რაც 2024 წლის მაჩვენებლებთან შედარებით 27%-ით შემცირებული მაჩვენებლებია. 2024 წელს საქართველოდან თურქეთში ექსპორტი 458 657.1 ათასი დოლარის დონეზე იყო. საქართველოდან თურქეთში ნომერ პირველი საექსპორტო პროდუქტი შეკერილი სამოსია.

TOP 5 პროდუქტი, რასაც საქართველო თურქეთში ყიდის:

მაისურები, თბილი კვართები და სხვა ტრიკოტაჟის ნაწარმი, მანქანით ან ხელით ნაქსოვი - 71 021.2 ათასი დოლარი;
ფეროშენადნობები - 39 594.7 ათასი დოლარი;
ნარჩენები და ჯართი სპილენძისა - 20 845.4 ათასი დოლარი;
კოსტუმები, კომპლექტები, ტრიკოტაჟისა, ნაქსოვი, მამაკაცისა ან ბიჭისა - 19 762.6 ათასი დოლარი;
ელექტროენერგია - 18 388.4 ათასი დოლარი;

2025 წელს საქართველომ თურქეთიდან 2 775 014.1 ათასი დოლარის პროდუქცია იყიდა, 2024 წელს კი 2 774 822.1 ათასი დოლარის. წლიური ზრდა 0.007%-ია. თურქეთიდან საქართველოში ნომერ პირველი, რომელიც ყველაზე მეტი ღირებულებით შემოდის სამკურნალო საშუალებებია.

TOP 5 პროდუქტი, რასაც საქართველო თურქეთიდან ყიდულობს:

სამკურნალო საშუალებები დაფასოებული - 171 950.2 ათასი დოლარი;
მსუბუქი ავტომობილები - 123 532.4 ათასი დოლარი;
ნავთობი და ნავთობპროდუქტები - 107 983.0 ათასი დოლარი;
წნელები ნახშირბადიანი ფოლადისაგან, შემდგომი დამუშავების გარეშე - 90 269.0 ათასი დოლარი;
მეტალოკონსტრუქციები შავი ლითონებისაგან და მათი ნაწილები - 62 498.6 ათასი დოლარი;