2025 წლის იანვარ-ნოემბერში საქართველომ სერბეთიდან 16 941.0 ათასი დოლარის პროდუქცია იყიდა, რაც 2024 წლის ანალოგიური პერიოდის მაჩვენებლებთან 31%-იანი ზრდაა. საქსტატის ინფორმაციით, 2024 წლის 11 თვეში საქართველომ სერბეთიდან 12 941.5 ათასი დოლარის პროდუქცია იყიდა. მიმდინარე სტატისტიკური მაჩვენებლების მიხედვით სერბეთიდან იმპორტში პირველ ადგილზე (თანხობრივად) სიგარებია.

TOP 5 პროდუქტი, რასაც საქართველო სერბეთიდან ყიდულობს:

• სიგარები, სიგარილები და სიგარეტები თამბაქოს ან მისი შემცვლელებისაგან - 7 850.6 ათასი დოლარი;
• ქაღალდი, მუყაო - 1 662.7 ათასი დოლარი;
• სასუქები მინერალური ან ქიმიური აზოტის, ფოსფორის და კალიუმის შემცველობით -1 022.9 ათასი დოლარი;
• რეზინის პნევმატური სალტეები და საბურავები, ახალი - 831.7 ათასი დოლარი;
• ნავთობი და ნავთობპროდუქტები - 656.8 ათასი დოლარი;

რაც შეეხება საქართველოდან სერბეთში ექსპორტს, აქ მიმდინარე სტატისტიკა კლებას აჩვენებს. 2025 წლის იანვარ-ნოემბერში საქართველომ სერბეთში 862.2 ათასი დოლარის პროდუქცია გაყიდა, 2024 წლის ანალოგიურ პერიოდში კი 2 013.4 ათასი დოლარის. შესაბამისად სერბეთში ექსპორტი 57%-ით არის შემცირებული:

TOP 5 პროდუქტი, რასაც საქართველო სერბეთში ყიდის:

• გამომთვლელი მანქანები და მათი ბლოკები - 340.5 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 202.6 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 122.0 ათასი დოლარი;
• ნაყოფი და კაკალი შაქრის დამატებით ან მის გარეშე - 63.7 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 55.2 ათასი დოლარი;