საქართველოსა და ევროკავშირის სავაჭრო ურთიერთობები მზარდ ტრენდზეა. 2025 წლის იანვარ-ოქტომბრის მონაცემებით საქართველოდან ევროკავშირში ექსპორტი 50%-ით არის გაზრდილი, ხოლო იმპორტი 4%-ით.

საქსტატის საიტზე განთავსებული მაჩვენებლების მიხედვით, 2025 წლის იანვარ-ოქტომბერში საქართველომ ევროკავშირის ქვეყნებში 686 361.0 ათასი დოლარის ღირებულების პროდუქცია გადაზიდა, მაშინ როდესაც 2024 წლის ანალოგიური პერიოდის მაჩვენებლებით ექსპორტი 456 826.0 ათას დოლარს შეადგენდა. ზრდა 50.2%-ია.

TOP 5 პროდუქტი, რასაც საქართველო ევროკავშირში ყიდის:

• მადნები და კონცენტრატები ძვირფასი ლითონებისა - 116 586.0 ათასი დოლარი;
• ფეროშენადნობები - 87 258.5 ათასი დოლარი;
• თხილი და სხვა კაკალი - 72 665.2 ათასი დოლარი;
• მადნები და კონცენტრატები სპილენძის - 55 974.2 ათასი დოლარი;
• სასუქები მინერალური ან ქიმიური, აზოტოვანი - 46 762.1 ათასი დოლარი;
• ყურძნის ნატურალური ღვინოები - 29 964.6 ათასი დოლარი;

რაც შეეხება ევროკავშირიდან საქართველოში იმპორტს, მიმდინარე წლის 10 თვის მაჩვენებლებით ის 3 788 690.0 ათას დოლარს შეადგენს, მაშინ როდესაც 2024 წლის 10 თვეში ეს მაჩვენებელი 3 657 160.0 ათას დოლარს შეადგენდა. წლიური ზრდა 3,5%-ია. 

TOP 5 პროდუქტი, რასაც ევროკავშირი საქართველოში ყიდის:

• მსუბუქი ავტომობილები - 667 208.0 ათასი დოლარი;
• ნავთობი და ნავთობპროდუქტები - 443 016.0 ათასი დოლარი;
• სამკურნალო საშუალებები დაფასოებული - 270 770.0 ათასი დოლარი;
• სატვირთო ავტომობილები - 80 396.2 ათასი დოლარი;
• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 67 410.3 ათასი დოლარი;