ეგვიპტიდან საქართველოში იმპორტი 39%-იან ზრდას აჩვენებს. საქსტატის ინფორმაციით, 2025 წლის იანვარ-აგვისტოში საქართველომ ეგვიპტიდან 38 334.1 ათასი დოლარის პროდუქცია იყიდა, 2024 წლის ანალოგიურ პერიოდში კი 27 509.0 ათასი დოლარის. საქსტატის მაჩვენებლების თანახმად, ეგვიპტიდან საქართველოში ყველაზე მეტი ღირებულებით შემოსული პროდუქტი არის წამლები.

TOP 5 პროდუქტი, რასაც საქართველო ეგვიპტიდან ყიდულობს:

• სამკურნალო საშუალებები დაფასოებული - 14 821.7 ათასი დოლარი;
• ნავთობი და ნავთობპროდუქტები - 10 898.0 ათასი დოლარი;
• აპარატურა მიმღები სატელევიზიო კავშირისათვის - 5 335.4 ათასი დოლარი;
• ციტრუსების ნაყოფი ახალი ან გამხმარი - 1 510.7 ათასი დოლარი;
• პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული - 1 281.2 ათასი დოლარი;

რაც შეეხება ეგვიპტეში ექსპორტს, აქ 34%-იანი კლება ფიქსირდება. 2025 წლის იანვარ-აგვისტოში საქართველომ 15 675.7 ათასი დოლარის პროდუქცია გაგზავნა. ერთი წლით ადრე, 2024 წლის რვა თვეში კი 23 898.5 ათასი დოლარის. საქართველოდან ეგვიპტეში ნომერ პირველი საექსპორტო პროდუქტი სამსხმელო ფორმების წარმოებაში გამოსაყენებელი შემკვრელი მზა ნივთიერებებია.

TOP 5 პროდუქტი, რასაც საქართველო ეგვიპტეში ყიდის:

• ნივთიერებები შემკვრელი მზა, სამსხმელო ფორმების წარმოებაში გამოსაყენებელი - 11 580.5 ათასი დოლარი;
• სასუქები მინერალური ან ქიმიური, აზოტოვანი - 3 276.0 ათასი დოლარი;
• მსუბუქი ავტომობილები - 407.7 ათასი დოლარი;
• მანგანუმის ოქსიდები - 154.6 ათასი დოლარი;
• სამკურნალო საშუალებები დაფასოებული - 64.8 ათასი დოლარი;