საქართველოდან ბელარუსში ექსპორტი მზარდია, ხოლო იმპორტი 2025 წელს შემცირდა. საქსტატის ინფორმაციით, 2025 წელს საქართველომ ბელარუსში 42 847.0 ტონა პროდუქცია გაგზავნა, 2024 წელს კი 36 695.9 ტონა. შესაბამისად წლიურ ჭრილში ბელარუსში ექსპორტი 17%-ით არის გაზრდილი. საქართველოდან ბელარუსში ნომერ პირველი საექსპორტო პროდუქტი ეთილის სპირტია. 

TOP 5 პროდუქტი, რის ექსპორტსა საქართველო ბელარუსში ახდენს: 

• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 11 619.6 ათასი დოლარი;
• ყურძნის ნატურალური ღვინოები - 8 379.8 ათასი დოლარი;
• ვაქცინები, სისხლი და იმუნური პროდუქტები - 4 754.5  ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 3 880.8  ათასი დოლარი;
• მინერალური და მტკნარი წყლები - 2 527.5 ათასი დოლარი;

რაც შეეხება ბელარუსიდან საქართველოში იმპორტს, ის 24%-ით არის შემცირებული 2025 წელს საქართველომ ბელარუსიდან 108 154.2 ათასი დოლარის პროდუქცია იყიდა, 2024 წელს კი 141 445.4 ათასი დოლარის. 

TOP 5 პროდუქტი, რის იმპორტსაც საქართველო ბელარუსიდან ახდენს: 

• რძე და ნაღები, შესქელებული ან შაქრის დამატებით - 12 992.5 ათასი დოლარი;
• ხე-ტყის მასალა, გასწვრივ დახერხილი ან დაპობილი, სისქით 6 მმ-ზე მეტი - 9 998.3 ათასი დოლარი;
• ფილები მერქანბოჭკოვანი მერქნის ან სხვა გამერქნებული მასალებისაგან - 6 143.9 ათასი დოლარი;
• ხორცი მსხვილფეხა რქოსანი პირუტყვის, ახალი ან გაცივებული - 5 218.1 ათასი დოლარი;
• სამკურნალო საშუალებები დაფასოებული - 4 254.2 ათასი დოლარი;