სომხეთ-საქართველოს სავაჭრო ბრუნვა 2025 წელს შემცირდა. როგორც საქსტატის საიტზე განთავსებული ინფორმაციიდან ირკვევა, 2025 წელს საქართველომ სომხეთში 552 925.5​ ათასი დოლარის პროდუქცია შეიტანა, მაშინ როდესაც 2024 წელს სომხეთში ექსპორტი 617 668.4 ათას დოლარს შეადგენდა. მიმდინარე სტატისტიკა აჩვენებს, რომ წლიურ ჭრილში სომხეთში ექსპორტი 10%-ით არის შემცირებული. საქართველოდან სომხეთში ნომერ პირველი საექსპორტო პროდუქტი მსუბუქი ავტომობილებია.

TOP 5 პროდუქტი, რასაც საქართველო სომხეთში ყიდის:

• მსუბუქი ავტომობილები - 54 638.3 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 42 430.2 ათასი დოლარი;
• ნავთობი და ნავთობპროდუქტები - 30 281.1 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 18 135.1 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 16 166.7 ათასი დოლარი;

რაც შეეხება სომხეთიდან იმპორტს, ის 2025 წელს 2%-ით შემცირდა. სტატისტიკის ეროვნული სამსახურის ცნობით, 2025 წელს საქართველომ სომხეთიდან 233 116.1 ათასი დოლარის პროდუქცია იყიდა, 2024 წელს კი 237 444.4 ათასი დოლარის. სომხეთიდან საქართველოში იმპორტირებულ პროდუქციაში ყველაზე მეტი ჯამური ღირებულებით სპილენძის მადნები და კონცენტრატები არის შემოსული. 

TOP 5 პროდუქტი, რასაც საქართველო სომხეთიდან ყიდულობს:

• მადნები და კონცენტრატები სპილენძის - 74 665.6 ათასი დოლარი;
• ბოცები, ბოთლები და სხვა მინის ტევადობები - 27 459.0 ათასი დოლარი;
• სიგარები, სიგარილები და სიგარეტები თამბაქოს ან მისი შემცვლელებისაგან - 22 950.7 ათასი დოლარი;
• მადნები და კონცენტრატები ძვირფასი ლითონებისა - 22 042.5 ათასი დოლარი;
• მსუბუქი ავტომობილები - 9 467.2 ათასი დოლარი;