როგორია ჩინეთ-საქართველოს მიმდინარე სავაჭრო სტატისტიკა

ეკონომიკა

პროდუქტის ექსკლუზიურმა შემომტანებმა შესაძლებელია თქვან ის 5% მოგების, რომელიც საქართველოს ტერიტორიაზე ჩანს, ეს არის მთელი ჯაჭვი მომწოდებლიდან ექსკლუზიურ დისტრიბუტორამდე, ამ ჯაჭვში 5 %-ზე 10-ჯერ მეტი მოგებაა - „2 ნაბიჯის“ გენერალური დირექტორი

16.03.2026.15:28

სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე მაღაზიის თაროზე პროდუქტების განთავსების შესახებ „2 ნაბიჯის“ გენერალურმა დირექტორმა, არჩილ მელიქაძემ, სასურსათო პროდუქციის ექსკლუზიური შემომტანი კომპანიების მოგებაზე ისაუბრა.

არჩილ მელიქაძემ „ლაქტალისის“ მაგალითზე, რომელიც კარაქ „პრეზიდენტის“ ექსკლუზიური შემომტანია საქართველოში, განაცხადა, რომ მათი მოგება 5 %-ს 10-ჯერ აღემატება და ის 5%, რომელზეც ისინი საუბრობენ მხოლოდ საქართველოს ტერიტორიაზე რაც ჩანს მხოლოდ ისაა.

მისივე თქმით, ფასების გაიაფების რესურსი არსებობს და ის ალტერნატიული ბრენდების ბაზარზე შემოტანაში მდგომარეობს.

„პროდუქტის ექსკლუზიურმა შემომტანებმა შესაძლებელია თქვან ის 5 % მოგების, რომელიც საქართველოს ტერიტორიაზე ჩანს ეს არის მთელი ჯაჭვი მომწოდებლიდან ექსკლუზიურ დისტრიბუტორამდე, მე თქვენ გარწმუნებთ, რომ ამ ჯაჭვში 5 %-ზე 10-ჯერ მეტი მოგებაა, ეს ჯაჭვი ერთმანეთში როგორ გადაინაწილებს ამ მოგებას და სად რა მოგებას აჩვენებს, ეს ძნელი სათქმელია. რეალურად ჩვენ წელს კარაქ „პრეზიდენტში“ 2 თვის განმავლობაში ფული დავკარგეთ, იმას თუ 5 % ჰქონდა ჩვენ გვქონდა მინუსი. ეს არის რეალობა და ეს შეიძლება გადამოწმდეს ჩვენი დეტალური ინფორმაციით. ამიტომ რესურსი ფასის გაიაფების არის და ეს არის ალტერნატივების გაჩენა ამ ბრენდების, რომლებიც მონოპოლიურად მოქმედებენ და ხელოვნურად აძვირებენ ფასს“, - განაცხადა არჩილ მელიქაძემ.

ინფრასტრუქტურის სამინისტროს მიზანია საქართველოს საგზაო სამშენებლო სტანდარტების კიდევ უფრო დაახლოება ევროპულ სტანდარტებთან - მინისტრი 16.03.2026.15:24

რეტრო-ბონუსი არ არის ფასდაკლების წყარო, ეს ჩვენი მოგონილი ინსტრუმენტი არ არის - ეს იმ კომპანიის სურვილია, რომ ასაღები ფასი ასე გაიყოს l „2 ნაბიჯის“ გენერალური დირექტორი 16.03.2026.15:17

დისტრიბუტორის მომგებიანობის მარჟა ჯერ კიდევ ორჯერ მეტია, ვიდრე „რითეილერის“ - „კარფურის“ გენერალური დირექტორი 16.03.2026.15:15

ჩვენ შემოვიტანეთ „რიბეითის“ (ფასდათმობის) ცნება ამ ბაზარზე, გვქონდა გარკვეული სირთულეები მომწოდებლებთან, რადგან მათი კონტროლი ბაზარზე, შემცირდა - ის არ იწვევს პროდუქციის გაძვირებას l „კარფურის“ გენერალური დირექტორი 16.03.2026.15:11

საქართველოდან ევროკავშირში ექსპორტი 45%-იან ზრდას აჩვენებს 16.03.2026.15:00