საქართველოსა და აშშ-ს სავაჭრო ურთიერთობები მზარდია. საქსტატის ინფორმაციით, 2025 წლის იანვარ-თებერვალში საქართველომ აშშ-ში 8,599.60 ათასი დოლარის ღირებულების პროდუქცია გაიტანა, 2024 წლის ანალოგიურ პერიოდში კი 6,401.47 ათასი დოლარის, შესაბამისად ზრდა 34%-ია.

საქართველოდან აშშ-ში ნომერ პირველი საექსპორტო პროდუქტი მილებია, რომელზეც ამ ქვეყანაში ექსპორტის 25%-ი მოდის.

TOP 5 პროდუქტი, რასაც საქართველო აშშ-ში ყიდის:

• მილები, მილაკები და ღრუ პროფილები, უნაკერო, შავი ლითონისაგან - 2,133.05 ათასი დოლარი;
• საფრენი აპარატების ნაწილები - 1,648.02 ათასი დოლარი;
• ყურძნის ნატურალური ღვინოები - 1,358.70 ათასი დოლარი;
• ხილისა და ბოსტნეულის წვენები - 708.99 ათასი დოლარი;
• დანარჩენი საქონელი - 703.00 ათასი დოლარი;

რაც შეეხება აშშ-დან იმპორტს ის 91%-ითაა გაზრდილი. საქსტატის ინფორმაციით, 2025 წლის იანვარ-თებერვალში საქართველომ აშშ-დან 478,259.97 ათასი დოლარის ღირებულების პროდუქციის იმპორტი განახორციელა, 2024 წლის ანალოგიურ პერიოდში კი 250,431.44 ათასი დოლარის.  აშშ-დან საქართველოში ნომერ პირველი საიმპორტო პროდუქტი  სურათები და ნახატებია. მასზე აშშ-დან იმპორტის 48%-ი მოდის. 

TOP 5 პროდუქტი, რასაც საქართველო აშშ-დან ყიდულობს:

• სურათები, ნახატები და პასტელები, ხელით შესრულებული - 227,958.47 ათასი დოლარი;
• მსუბუქი ავტომობილები - 193,495.53 ათასი დოლარი;
• ქანდაკებების და სტატუეტების დედნები ნებისმიერი მასალისაგან - 30,663.54 ათასი დოლარი;
• თხილი და სხვა კაკალი - 4,699.10 ათასი დოლარი;
• სატვირთო ავტომობილები - 1,821.48 ათასი დოლარი;