რეტრო-ბონუსი არ არის ფასდაკლების წყარო, ეს ჩვენი მოგონილი ინსტრუმენტი არ არის - ეს იმ კომპანიის სურვილია, რომ ასაღები ფასი ასე გაიყოს l „2 ნაბიჯის“ გენერალური დირექტორი
სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე მაღაზიის თაროზე პროდუქტების განთავსების შესახებ „2 ნაბიჯის“ გენერალურმა დირექტორმა, არჩილ მელიქაძემ, რეტრო-ბონუსის ინსტრუმენტთან დაკავშირებით ისაუბრა.
მისი განცხადებით, რეტრო-ბონუსი ფასდაკლების წყაროს არ წარმოადგენს და კომპანია „ლიდერ ფუდთან“ დაკავშირებული შემთხვევა მოიყვანა აღნიშნულის მაგალითად, რომ ეს „2 ნაბიჯის“ მოგონილი ინსტრუმენტი არ არის.
„რეტრო-ბონუსი არ არის ფასდაკლების წყარო, „ლიდერ ფუდის“ კონკრეტული პროდუქტი ჩვენს ქსელში „საინვოისო“ ფასად შემოვიდა - 10 ლარად, ერთეულის ღირებულება. ჩვენ გავყიდეთ ის 8 ლარად და 42 თეთრად, ანუ წავაგეთ 1,58 ლარი. მაგრამ მთელი წელი წაგებაზე არ ვიქნებოდით ხომ? სინამდვილეში ეს მხოლოდ „საინვოისო“ ფასი იყო, რეტრო-ბონუსი ამ შემთხვევაში წარმოადგენდა 2 ლარს და 10 თეთრს, ანუ ჩვენთვის ფაქტობრივად ასაღები ფასი იყო 7,90 ლარი, ანუ ჩვენ ამ კონკრეტულ პროდუქტში მოვიგეთ 0.52 თეთრ, რაც 6.5 % ფასნამატია. რეალურად, ჩვენ კომპანიას მოველაპარაკეთ არა „საინვოისო“ ფასზე, არამედ იმ ფასზე, რაც ასაღები ფასია, ეს იმ კომპანიის სურვილია, რომ ეს ასაღები ფასი ასე გაიყოს, ჩვენ საერთოდ არანაირი ინტერესი არ გვაქვს რეტრო-ბონუსის აღრიცხვიანობა ვაწარმოოთ „საინვოისო“ ფასი რომ დამთხვეოდა იმ ფასს, რაზეც ჩვენ მოვილაპარაკეთ რეტრო-ბონუსი იქნებოდა ნული, ეს ჩვენი არჩევანი და მოგონილი ინსტრუმენტი არ არის“, - განაცხადა არჩილ მელიქაძემ.
დღის ტოპ 10 სიახლე
სხვა სიახლეები
თანხის დაბრუნება, ნივთის შეცვლა ან ხელშეკრულების გაწყვეტა - რა შემთხვევაში აქვს მომხმარებელს პრეტენზიის უფლება
16.03.2026.17:00
კონკურენციისა და მომხმარებლის დაცვის სააგენტოს თავმჯდომარის, ირაკლი ლეკვინაძის განცხადებით, უწყებაში შესული საჩივრები, შესაძლოა, საქართველოში მოქმედ მიტანის სერვისებსაც ეხება. მისი განმარტებით, გამოკვეთილი პრობლემები ძირითადად ქართულენოვან კომუნიკაციას უკავშირდება, მაგალითად, როდესაც კურიერი ვერ პოულობს მითითებულ მისამართს ან ირღვევა მიწოდების დადგენილი ვადები.
სააგენტოს გადაწყვეტილებით, საკურიერო კომპანიებს დაევალათ დამატებითი ოპერატორების ჩართვა, რომლებიც მომხმარებლებს მომსახურებას ქართულ ენაზე გაუწევენ თუ მომხმარებელს ასეთი პრეტენზია ექნება. მომსახურების ხარისხის გასაუმჯობესებლად შესაბამისი სტანდარტები უკვე დადგენილია, რაც უზრუნველყოფს სერვისის ეფექტიანობის გაზრდასა და მომხმარებელთა უფლებების უფრო მყარ დაცვას.
„არსებობდა შემთხვევები, როდესაც მიტანის სერვისის კურიერი ვერ პოულობს მისამართს, აგვიანებს ან მომხმარებელთან კომუნიკაციას ვერ ამყარებს ვერ ქართულად, ვერც ინგლისურად. სააგენტომ მიიღო არაერთი გადაწყვეტილება, რომლითაც მსგავს კომპანიებს დაევალათ, უზრუნველყონ დამატებითი ოპერატორების ჩართულობა კომუნიკაციის ხარვეზების აღმოსაფხვრელად, რადგან მსგავსი პრობლემები მათ რეპუტაციაზეც უარყოფითად მოქმედებს.
მიუხედავად იმისა, რომ მომხმარებელს სერვისის მიღება ნებისმიერ ენაზე შეუძლია, ჩვენს ქვეყანაში პრიორიტეტული მაინც ქართული ენაა. შესაბამისად, თუ მომხმარებლის სურვილია, მომსახურება ქართულ ენაზე მიიღოს, კომპანია ვალდებულია ეს მოთხოვნა დააკმაყოფილოს. ამ მიმართულებით გადაწყვეტილებები უკვე მიღებულია და სტანდარტებიც მკაცრად არის დადგენილი, მათ აქვთ ვალდებულება დისკკმუნიკაციის დროს დამატებით ოპერატორი ჩაერთოს მოთხოვნილ შესაბამის ენაზე“, - აცხადებს სააგენტოს თავმჯდომარე.
ირაკლი ლეკვინაძის განცხადებით, მომხმარებელი სამართლებრივად უფლებამოსილია მოითხოვოს თანხის დაბრუნება, ხელშეკრულებიდან გასვლა ან დაზიანებული/ნაკლიანი ნივთის გაცვლა, თუ მიტანის სერვისი დროულად არ შესრულდა ან პროდუქტი არ შეესაბამება საწყის პირობებს. მისი თქმით, ეს ყველაზე გავრცელებული შემთხვევებია, რის გამოც მომხმარებლები პრეტენზიებით მიმართავენ სააგენტოს.
„ხშირად ვხვდებით შემთხვევებს, როდესაც მომხმარებელს სურს უარი თქვას მომსახურებაზე ნივთის მნიშვნელოვანი დაგვიანების გამო, მოითხოვოს თანხის სრული დაბრუნება ან საერთოდ გაწყვიტოს ხელშეკრულება. ასევე აქტუალურია საკითხი, როდესაც მიღებული პროდუქტი ნაკლიანია და მომხმარებელი მის შეცვლას ითხოვს. ბუნებრივია, ეს არის იმ პრობლემების ძირითადი სპექტრი, რომელთა თაობაზეც მოქალაქეები პრეტენზიებით ყველაზე ხშირად მოგვმართავენ“, - განმარტავს ირაკლი ლექვინაძე.
მისივე განცხადებით, მომხმარებელთა პრეტენზიები ვრცელდება არა მხოლოდ მცირე ნივთებზე, არამედ მაგალითად ავტომობილებზეც, რომლებიც ონლაინ პლატფორმებიდან ან აუქციონებიდან იგზავნება. ლექვინაძის თქმით, გადაზიდვის პროცესში შესაძლოა პროდუქტი დაზიანდეს, დაიკარგოს ან შეცვლილი სახით მიაწვდონ, ხოლო ასეთი შემთხვევების შემთხვევაში პასუხისმგებლობა ექვემდებარება საქართველოში რეგისტრირებულ გადამზიდავ კომპანიას და სააგენტო განიხილავს მომხმარებლის პრეტენზიებს შესაბამისი სამართლებრივი ჩარჩოებით.
„იმ შემთხვევაში, თუ ტვირთის გადაზიდვას ან შემოტანას საქართველოში რეგისტრირებული კომპანია ახორციელებს და პროცესის დროს გარეგანი ფაქტორების გამო პრობლემები წარმოიქმნება, პასუხისმგებლობა გადამზიდავს ეკისრება. მაგალითად, ხშირია შემთხვევები, როდესაც კონტეინერში განთავსებული ავტომობილი ან სხვადასხვა ნივთი ზიანდება, იკარგება ან მომხმარებელს სულ სხვა პროდუქტი მისდის“, - აცხადებს კონკურენციისა და მომხმარებლის დაცვის სააგენტოს თავმჯდომარე.
