რეკორდულ ნიშნულზეა ჩვენი სავალუტო რეზერვები, ძალიან მყარია ლარის კურსი, ინფლაციური პროცესები სწორად რეგულირდება, მონეტარული, ფისკალური პოლიტიკის კუთხით, ეროვნული ბანკის საქმიანობა არის ძალიან წარმატებული - პრემიერი
თავიდან ბოლომდე ვენდობი ეროვნული ბანკის საქმიანობას, გამომდინარე იმ ორწლიანი გამოცდილებიდან, რომელიც გვაქვს ჩვენ ეროვნულ ბანკთან თანამშრომლობის კუთხით, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.
როგორც მთავრობის მეთაურმა აღნიშნა, საქართველოს ეროვნული ბანკი, განსაკუთრებით მას შემდეგ, რაც მოვიდა სათავეში ახალი ხელმძღვანელობა ნათია თურნავასა და ეროვნული ბანკის საბჭოს ახალი შემადგენლობის სახით, ძალიან დიდი წარმატებით მუშაობს.
„რეკორდულ ნიშნულზეა ჩვენი სავალუტო რეზერვები. მარტო ბოლო თვეში, იანვრის განმავლობაში 141 მილიონი დოლარით შეივსო ჩვენი სავალუტო რეზერვები. იცით, რომ ძალიან მყარია ლარის კურსი, ინფლაციური პროცესები სწორად რეგულირდება. ჩვენ შარშან გვქონდა 4 პროცენტი ინფლაცია, შარშანწინ გვქონდა 1,9 პროცენტი ინფლაცია, საშუალო მაჩვენებელი იყო 3 პროცენტზე ნაკლები, რაც არის ზღვრის ფარგლებში. მე ზოგადად ვაფასებ ეროვნული ბანკის საქმიანობას ყველა მიმართულებით, როგორც რეზერვების მიმართულებით, ასევე ლარის კურსის მიმართულებით, ზოგადად მონეტარული, ფისკალური პოლიტიკის კუთხით, ეროვნული ბანკის საქმიანობა არის ძალიან წარმატებული“, - განაცხადა ირაკლი კობახიძემ.
დღის ტოპ 10 სიახლე
სხვა სიახლეები
TOP 5 ქვეყანა, საიდანაც საქართველომ შოკოლადის იმპორტი განახორციელა
07.04.2026.19:00
2026 წლის იანვარ-თებერვლის სტატისტიკური მაჩვენებლებით საქართველოში შოკოლადის იმპორტი გაიზარდა. საქსტატის ინფორმაციით, მიმდინარე წლის იანვარ-თებერვალში ქვეყანამ 16 586.3 ათასი დოლარის ღირებულების 2 764.8 ტონა შოკოლადი იყიდა. 2025 წლის იანვარ-თებერვალში ეს მაჩვენებელი 2 547.6 ტონას შეადგენდა. შესაბამისად საქართველოში შოკოლადის იმპორტი 9%-ით არის გაზრდილი.
იანვრ-თებერვლის მონაცემებით, საქართველოში იმპორტირებული შოკოლადის 35%-ი ქვეყანაში რუსეთიდან შემოვიდა.
TOP 5 ქვეყანა, საიდანაც საქართველომ შოკოლადის იმპორტი განახორციელა:
სებ-ში საერთაშორისო სავალუტო ფონდის 2026 წლის IV მუხლის რეგულარული მისიის შემაჯამებელი ბრიფინგი გაიმართა
07.04.2026.17:09
სსფ-ს მისია საქართველოში დასრულდა - როგორია ეკონომიკური ვითარება, პერსპექტივა და რისკები
07.04.2026.16:51
მისასალმებელია, რომ სსფ-ის მისიამ ჩვენს მონეტარულ პოლიტიკას დადებითი შეფასება მისცა და ხაზი გაუსვა მის გონივრულობას - ნათია თურნავა
07.04.2026.14:49
