საქართველოდან საფრანგეთში ექსპორტი მზარდ ტრენდზეა. 2023 წლის იანვარ-აპრილში საქართველომ საფრანგეთში 18,418.56 ათასი დოლარის პროდუქცია შეიტანა, 2022 წლის ანალოგიურ პერიოდში კი 15,310.13 ათასი დოლარის, შესაბამისად ზრდა 20%-ია.

მზარდია ბოლო წლების საექსპორტო მაჩვენებლებიც, მაგალითად 2021 წელს საქართველომ საფრანგეთში 34,353.56 ათასი დოლარის პროდუქცია შეიტანა, 2022 წელს კი 37,333.76 ათასი დოლარის, ზრდა 9%-ია.

2023 წლის იანვარ-აპრილის სტატისტიკით საქართველოს საფრანგეთში ექსპორტირებულ პროდუქციაში ყველაზე მეტი ღირებულება სპირტიანი სასმელებისა და ეთილის სპირტს აქვს. მეორე ადგილზეა ელექტრული წყალგამახურებლები, ხოლო მესამეზე თხილი და კაკალი

• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 8,031.79 ათასი დოლარი,
• ელექტრული წყალგამახურებლები - 2,960.89 ათასი დოლარი,
• თხილი და სხვა კაკალი - 2,071.09 ათასი დოლარი,
• ფეროშენადნობები - 1,492.11 ათასი დოლარი,
• ცხიმები, ქონები და მათი ფრაქციები, თევზის ან ზღვის ძუძუმწოვრების 767.87 ათასი დოლარი.

რაც შეეხება იმპორტს ზრდა 51%-ია. 2023 წლის იანვარ-აპრილში საქართველომ საფრანგეთიდან 87,266.10 ათასი დოლარის პროდუქცია შემოიტანა, 2022 წლის ანალოგიურ პერიოდში კი იმპორტმა  57,702.49 ათასი დოლარი შეადგინა.

• ღირებულების მიხედვით, საქართველოში საფრანგეთიდან ნომერ პირველი საიმპორტო პროდუქცია ნარევებია, რომელიც სასმელების წარმოებაში გამოიყენება.
• ნარევები გამოსაყენებული სასმელების წარმოებაში  11,347.45  ათასი დოლარი,
• სამკურნალო საშუალებები დაფასოებული - 9,663.61  ათასი დოლარი,
•  ნაღების კარაქი და რძის სხვა ცხიმები; რძის პასტები - 5,689.71  ათასი დოლარი,
•  შაქარი - 5,266.92  ათასი დოლარი,
• კოსმეტიკური საშუალებები ან მაკიაჟისა და კანის მოვლის საშუალებები - 4,384.44 ათასი დოლარი.