რას ყიდის და ყიდულობს საქართველო თურქეთიდან

ეკონომიკა

იანვარ-ივლისში საქართველოში იმპორტირებული ხორბლის თითქმის 33%-ი ყაზახეთიდან შემოვიდა

11.09.2025.17:00

საქართველოში ყაზახური ხორბალი თანდათან უფრო მოთხოვნადი ხდება, 2025 წლის 7 თვის მაჩვენებლებით, საქართველომ ყაზახეთიდან 16 843.5 ათასი დოლარის ღირებულების 71 107.3 ტონა ხორბალი იყიდა. ეს იმ ფონზე, როდესაც 2024 წლის 7 თვეში ყაზახეთიდან ხორბლის იმპორტი დაფიქსირებული არ არის. 2024 წელს ყაზახეთიდან ხორბლის იმპორტი მხოლოდ დეკემბრის თვეში განხორციელდა და საანგარიშო პერიოდში საქართველომ ყაზახეთიდან 1 610.0 ტონა ხორბალი იყიდა.

რაც შეეხება 2025 წლის მაჩვენებლებს, თვიურ ჭრილში ყველაზე დიდი მოცულობით ყაზახური ხორბლის იმპორტი მაისში დაფიქსირდა - 20 779.7 ტონა.

იანვარ-ივლისში საქართველოში იმპორტირებული ხორბლის თითქმის 33%-ი სწორედ ყაზახეთიდან შემოვიდა.

აღსანიშნავია, რომ ქვეყანაში ხორბლის იმპორტი 62%-იან ზრდას აჩვენებს. საქსტატის ინფორმაციით, 2025 წლის იანვარ-ივლისში საქართველომ 218 214.1 ტონა ხორბალი იყიდა, რაშიც 56 067.2 ათასი დოლარის გადაიხადა. 2024 წლის 7 თვეში ხორბლის იმპორტი 134 293.3 ტონას შეადგენდა. საქართველოსი ხორბლის მთავარი იმპორტიორი რუსეთია.

ქვეყნები, სადაც საქართველო ხორბალს ყიდულობს:

რუსეთი - 147 105.5 ტონა;

ყაზახეთი - 71 107.3 ტონა;

ავსტრია - 0.5 ტონა;

გერმანია - 0.5 ტონა;

იტალია - 0.2 ტონა;

აშშ - 0.1 ტონა;

საგულისხმოა, რომ 2024 წელს საქართველომ 326 486.1 ტონა ხორბლის იმპორტი განახორციელა, მაშინ როდესაც 2023 წელს ხორბლის იმპორტი 222 061.2 ტონის დონეზე იყო.

ამაყები ვართ, რომ კერძო სექტორთან ერთობლივი ძალისხმევით მივაღწიეთ სამოქალაქო ავიაციის უპრეცედენტო ზრდის დინამიკას - მარიამ ქვრივიშვილი 11.09.2025.15:11